Rif Restaurant – perla við hafið í hjarta Hafnarfjarðar
Það fyrsta sem fólk tekur eftir þegar það kemur á veitingahúsið Rif Restaurant sem er á annari hæð í Verslunarmiðstöðinni Firði, er útsýnið. Stórir gluggar sem snúa að höfninni og hafinu, og á sólríkum dögum sem og aðra daga er útsýnið frábært. Þegar kvölda tekur, og ljósin á bátunum glampa á öldunum, skapast ótrúlega notaleg og róandi stemning sem er fullkomin fyrir góðan mat og gott samtal.
Hvort sem þú heimsækir veitingahúsið með vinum, fjölskyldu eða kemur í rólegan kvöldverð með makanum, er það nær öruggt að þú munt staldra við augnablikið og hugsa: „Svona á lífið að vera.“ Veitingahúsið er einstaklega notalegt og með fallegar innréttingar og góðan anda.
Frábær matur úr úrvals hráefni
Á Rif Restaurant er lögð sérstök áhersla á ferskleika og gæði hráefna. Matseðillinn er fjölbreyttur og spennandi, með réttum sem höfða bæði til sælkera og þeirra sem vilja eitthvað einfalt og gott.
Hér mætast hefðir og nútími á fallegan og faglegan hátt. Sjávarréttir úr fersku hráefni sem og ljúffengir kjötréttir og grænmetisréttir sem gleðja alla bragðlauka.
Rif er einnig þekkt fyrir að bjóða hagstætt verð miðað við frábær gæði og þjónustan er alltaf fyrsta flokks og persónuleg, eins og maður sé að koma heim til góðra vina.
Matseðill
Á matseðlinum er fjöldi glæsilegra rétta þar sem allir geta fundið það sem þá langar í, úrvalið er bæði mikið og gott og alveg er sama hvert tilefnið er, því fjölbreytileikinn er mikill fyrir bæði fullorðna og börn.
Rif Restaurant
,,Síðla sumars 2019 opnuðum við Rif Restaurant hér í Firði Verslunarmiðstöð. Ævar Olsen matreiðslumeistari til fjölda ára stýrir hér hópi starfsfólks sem leggur hjarta í matreiðsluna og mikla áherslu á persónulega þjónustu til okkar gesta.
Það er alveg einstakt að vera staðsett í hjarta Hafnarfjarðar og við höfum lagt kapp við það að bjóða upp á eitthvað fyrir alla á góðu verði, með frábæru útsýni og góðum félagsskap.“ Segir á vefsíðu veitingarstaðarins og er sú lýsing hverju orði sannara.
Stemning sem fangar anda Hafnarfjarðar
Það sem gerir Rif að einhverju meira en bara veitingastað er andrúmsloftið. Hér sameinast sögulegt sjávarumhverfi Hafnarfjarðar, hlýlegt viðmót starfsfólks og ástríða fyrir góðum mat. Þetta er staður þar sem fólk hittist, hlær, fagnar og slakar á og það er ómögulegt að fara héðan án þess að vera ánægður því stemmingin og upplifunin er einstök.
Uppáhald bæjarbúa og leyniperla fyrir gesti
Margir Hafnfirðingar hafa gert Rif að sínum stað, hvort sem það er fyrir hádegismat á virkum dögum, fjölskylduhelgar eða rómantískt kvöld í bænum. Gestir sem koma utan að landi eða erlendis frá tala gjarnan um Rif sem “lítinn fjársjóð við sjóinn” , stað þar sem allt er eins og það á að vera: góður matur, hlýtt viðmót og útsýni sem nær beint í hjartað.
Rif Restaurant er ekki bara veitingastaður heldur líka upplifun. Hér finnur þú tengingu við hafið, við fólkið og við bæinn. Ef þú hefur ekki prófað Rif ennþá, þá er tími til kominn, því þú munt ekki sjá eftir því og Fréttatíminn gefur veitingahúsinu allra bestu einkunn sem eru fimm stjörnur.
Rif Restaurant er með heimasíðu sem hægt er að skoða sem og Facebook og Instagram síður með myndum og upplýsingum.
Fyrir þá sem ætla að heimsækja Rif Restaurant er gott að hafa eftirfarandi upplýsingar um opnunartíma og sýnishorn af myndum eru einnig hér að neðan:
- Inngangur á 2.hæð í gegnum Fjörð verslunarmiðstöð fram til 18:00 (sér inngangur eftir þann tíma).
- Mánudaga – fimmtudaga: 11:30 – 20:00
Föstudaga: 11:30 – 21:00
Laugardaga: 12:00 – 21:00
Sunnudaga: 16-20:00
Sími: 578-0100
Vinsamlegast athugið að við borðapantanir eru ekki teknar. Hægt er að hringja á undan sér og athuga stöðuna.
