Matvælastofnun barst tilkynning frá Kaldvík þriðjudaginn 18. nóvember um þrjú göt á nótarpoka einnar kvíar á eldissvæðinu Hafranesi í Reyðarfirði.
Götin uppgötvuðust við reglubundið neðansjávareftirlit og var viðgerð framkvæmd samdægurs. Götin voru öll á 16 metra dýpi hlið við hlið langsum eftir pokanum. Gat 1. var 16 x 5 cm, gat 2. var 14 x 4 cm og gat 3. var 12 x 4 cm. Fjöldi fiska í kvínni var 193.164 stk. og meðalþyngd 214 grömm. Neðansjávareftirlit var síðast framkvæmt 29. október sl. og var ekkert tjón sjáanlegt í því eftirliti.
Fyrirtækið taldi ekki líkur á að fiskur hefði strokið og virkjaði því ekki viðbragðsáætlun. Matvælastofnun telur hins vegar að ekki sé hægt að útiloka að fiskur hafi strokið og hefur því hafið rannsókn á málinu.
Umræða
