Þorsteinn Már Baldvinsson, fyrrverandi forstjóri Samherja hlaut heiðursverðlaun Þjóðmála 2025 við hátíðlega athöfn í Hvalasafninu sem sótt var 280 prúðbúnum gestum víða að.
Það var Gísli Freyr Valdórsson, eigandi Þjóðmála sem afhenti Þorsteini Má verðlaunin. Þeim fylgdi glæsilegt portret-málverk af Þorsteini sem listamaðurinn Sigurður Sævar Magnúsarson hafði málað og fjallað er um veisluna á vef Morgunblaðsins í dag undir fyrirsögninni ,,Mikið um dýrðir á Hátíðarkvöldi Þjóðmála.“
Þá kemur fram að í röksemd með verðlaununum að framlag Þorsteins til íslensks samfélags væri gríðarlegt en hann hafi komið að uppbyggingu Samherja allt frá stofnun fyrirtækisins en það er fyrir löngu orðið stöndugasta sjávarútvegsfyrirtæki landsins með umsvif í mörgum löndum, eins og frægt er.
Fyrri heiðursverðlaunahafar eru Jón Sigurðsson, fyrrverandi forstjóri Össurar (2023) og Grímur Sæmundsen, forstjóri og stofnandi Bláa lónsins (2024).
Heiðursgestur á Hátíðarkvöldinu var dr. Hannes Hólmsteinn Gissurarson, fyrrverandi prófessor við Háskóla Íslands. Flutti hann ræðu sem vakti mikla kátínu meðal gesta. Af myndum að dæma, hefur ekkert verið sparað til veislunnar og mikið um dýrðir eins og myndir sýna og er óhætt að segja að sjón er sögu ríkari.
