Maðurinn sem lést í umferðarslysi í Stafdal á Fjarðarheiði í gær hét Jón Ármann Jónsson. Hann var 87 ára gamall og var búsettur á Seyðisfirði. Hann lætur eftir sig eiginkonu og þrjú uppkomin börn.
Slysið átti sér stað um þrjú leytið í gær þegar tveir bílar rákust saman á heiðinni og var Jón Ármann farþegi í öðrum bílnum. Með honum í bílnum voru hans nánustu ættingjar. Hinir sjö farþegarnir voru fluttir á sjúkrahús en þeir reyndust ekki alvarlega slasaðir.
Þorgeir Arason, sóknarprestur í Egilsstaðaprestakalli, segir í samtali við mbl.is að mikil sorg og samstaða ríki í samfélaginu. Hann segir að verið sé að leggja drög að minningar- og bænastund sem verði auglýst síðar í dag, að sögn mbl.is.
Umræða
