Landsréttur þyngdi dóm yfir þeim Amir Ben Abdallah og Mohamed Ali Chagra fyrir nauðgun. Þeir voru dæmdir í þriggja ára fangelsi í Landsrétti en fengu tveggja og hálfs árs dóm í Héraðsdómi Reykjavíkur.
Amir Ben Abdallah og Mohamed Ali Chagra, hafa fengið alþjóðlega vernd á Íslandi og verið búsettir hér á landi í þrjú ár.
Mohamed og Amir voru ekki úrskurðaðir í gæsluvarðhald eftir handtöku og Mohamed starfaði áfram sem leigubílstjóri eftir að hann var handtekinn. Málavextir voru þeir að í febrúar á síðasta ári sótti leigubílstjórinn Mohamed, konuna sem þeir nauðguðu, á veitingastað og ók með hana á heimili Amirs, í Kópavogi þar sem þeir brutu á henni.
Við ákvörðun refsingar leit Landsréttur til þess að Mohamed og Amir notfærðu sér ölvun konunnar og brutu með grófum og sérlega ófyrirleitnum hætti gegn kynfrelsi hennar. Ásetningur þeirra beggja var talinn einbeittur og ættu þeir sér engar málsbætur. Mohamed og Amir voru einnig dæmdir til að greiða konunni tvær milljónir hvor um sig í miskabætur.
Umræða
