Hér er það helsta úr dagbók lögreglu frá klukkan 17:00 til klukkan 05:00. Þegar þetta er ritað gista fimm í fangageymslu lögreglu. Alls eru 85 mál bókuð í kerfum lögreglu á tímabilinu. Listinn er ekki tæmandi.
Lögreglustöð 3 – Kópavogur- Breiðholt:
Ökumaður var stöðvaður í akstri grunaður um hraðakstur en hann ók á 111 km/klst þar sem hámarkshraði er 50 km/klst. Ökumaðurinn var færður á lögreglustöð og sviptur ökuréttindum til bráðabirgða.
Þess má geta að samkvæmt upplýsingum frá Samgöngustofu er sekt fyrir akstur yfir 50 km/klst yfir hámarkshraða yfirleitt í hæstu flokkum brota yfir 200.000 kr. og allt upp í 500.000–600.000 kr. eða meira, en það fer eftir aðstæðum og dómstólum sé brotinu vísað þangað.
| Hraðakstur yfir hámark | Algeng refsing |
|---|---|
| 10–20 km/klst yfir | 30.000–70.000 kr. |
| 20–30 km/klst yfir | 70.000–130.000 kr. |
| 30–40 km/klst yfir | 130.000–200.000 kr. |
| 40–50 km/klst yfir | 200.000–300.000 kr. |
| 50+ km/klst yfir | 300.000–600.000+ kr. |
Lögreglustöð 1 – Austurbær- Miðbær-Vesturbær-Seltjarnarnes:
Fjórir ökumenn stöðvaðir í akstri grunaðir um akstur undir áhrifum áfengis eða fíkniefna. Allir nema einn lausir eftir hefðbundið ferli. Sá sem var vistaður í klefa en var með talsvert magn fíkniefna meðferðis og reyndist nauðsynlegt að rannsaka málið frekar.
Einn aðili handtekinn grunaður um líkamsárás og vistaður í fangageymslu.
Lögregla kölluð til vegna nokkurra þjófnaðarmála í verslunum en hægt var að leysa þau öll á vettvangi.
Lögreglustöð 2 – Hafnarfjörður- Garðabær- Álftanes:
Tveir ökumenn stöðvaðir í akstri grunaðir um akstur undir áhrifum áfengis eða fíkniefna. Allir lausir eftir hefðbundið ferli. Annar ökumaðurinn reyndist þá einnig vera með þýfi í bifreiðinni og var ökumaður handtekinn ásamt farþega í þágu rannsóknar málsins. Hægt var að ljúka því á vettvangi og ekki þurfti að vista aðilana.
Lögreglustöð 4 – Grafarvogur- Mosfellsbær- Árbær:
3 ökumenn stöðvaðir í akstri grunaðir um akstur undir áhrifum áfengis eða fíkniefna. Allir lausir eftir hefðbundið ferli.
