Helstu atriði úr dagbók LRH frá 17-05. Þegar þetta er ritað eru þrír vistaðir í fangageymslu lögreglu. Alls eru 74 mál skráð í kerfinu á umræddu tímabili.
Lögreglustöð 1
Kvartað undan víðáttuölvuðum manni í verslun í miðborginni. Honum ekið í skýli.
Tveir menn kærðir fyrir slagsmál í félagslegu búsetuúrræði.
Maður handtekinn grunaður um framleiðslu og söludreifingu fíkniefna. Hann jafnframt grunaður um brot á lögum um bann við tilteknum frammistöðubætandi efnum og lyfjum. Vistaður í fangaklefa.
Ölvaðri konu vísað út af skemmtistað í miðborginni eftir að hafa notað gólfið þar inni sem salerni.
Eftirlit með bifreiðastöðum og voru fjölmargir ökumenn sektaðir fyrir að leggja á gangstéttum, en þar eiga bifreiðar ekki heima.
Ölvaðri konu vísað út úr spilasal.
Maður handtekinn grunaður um ölvunarakstur. Laus að sýnatöku lokinni.
Maður handtekinn grunaður um ölvunar-, fíkniefna- og sviptingarakstur. Laus að sýnatöku lokinni.
Maður handtekinn grunaður um stórfellda líkamsárás og frelsissviptingu. Vistaður í fangaklefa.
Lögreglustöð 2
Maður handtekinn grunaður um fíkniefna- og sviptingarakstur. Laus að sýnatöku lokinni.
Þjófnaður í matvöruverslun.
Ýmsar tilkynningar um ungmenni með flugelda. Leyst með aðkomu forráðamanna.
Erlendur maður handtekinn grunaður um brot á lögum um atvinnuréttindi útlendinga, brot á reglum um aukin ökuréttindi, fyrir að aka án rekstrarleyfis, dvöl án dvalarleyfis og að nýta starfskrafta útlendings sem hefur ekki tilskilið leyfi.
Lögreglustöð 3
Maður handtekinn grunaður um ölvunarakstur. Laus að sýnatöku lokinni.
Maður handtekinn grunaður um ölvunar- og sviptingarakstur. Laus að sýnatöku lokinni.
Kona kærð fyrir að aka svipt ökurétti.
Maður kærður fyrir að aka án gildra réttinda.
Maður kærður fyrir akstur gegn rauðu ljósi.
Maður handtekinn grunaður um ölvunar- og fíkniefnaakstur. Hann reyndi að komast undan og sinnti ekki þeim stöðvunarmerkjum sem honum voru gefin en hafði þó ekki erindi sem erfiði. Hann er grunaður um fjölmörg umferðarlagabrot, t.d. of hraðan akstur 117/50, svigakstur og vanrækslu á merkjagjöf. Hann var fluttur á lögreglustöð í þágu rannsóknar málsins hvar hann sætti blóðsýnatöku og bráðabirgðasviptingu ökuréttar.
Lögreglustöð 4
Ýmsar aðstoðarbeiðnir vegna veikinda, samkvæmishávaða og grunsamlegra mannaferða.
