Hér eru helstu atriði úr dagbók LRH frá kl.05-17. Þegar þetta er ritað er enginn vistaður í fangageymslu lögreglu. Alls eru 166 mál skráð í kerfinu á umræddu tímabili. Ásamt neðangreindu sinnti lögregla almennu eftirliti og ýmsum aðstoðarbeiðnum. Listinn er því ekki tæmandi.
Lögreglustöð 1
Óskað aðstoðar lögreglu vegna vinnuslyss en þar hafði starfsmaður meiðst á fæti.
Óskað aðstoðar lögreglu vegna vinnuslyss en þar hafði starfsmaður fallið úr stiga.
Tilkynnt um þjófnað í verslunarmiðstöð. Málið í rannsókn.
Lögreglustöð 2
Tilkynnt um lausan hund sem veist hafði að barni sem varð ekki meint af.
Tilkynnt um umferðaróhapp þar sem ekið á gangandi. Minniháttar meiðsli en ökumaður bifreiðarinnar var sagður viðskotaillur.
Lögreglustöð 3
Tilkynnt var um innbrot í verslun sl. nótt í umdæminu. Meintir gerendur fundust í dag og voru þeir handteknir og vistaðir í fangaklefa í þágu rannsóknar málsins. Málið í rannsókn.
Lögreglustöð 4
Skráningarmerki bifreiðar fjarlægð. Ekki var búið að færa bifreiðina til aðalskoðunar á tilsettum tíma.
Við almennt umferðareftirlit var bifreið stöðvuð. Ökumaður reyndist vera að aka sviptur ökuréttindum og undir áhrifum áfengis en þó undir refsimörkum.
Þrívegis tilkynnt um þjófnað í matvöruverslun. Vettvangsskýrsla rituð.
