Þessi forsíðumynd er ansi mögnuð og svona myndir flæða um alla samfélagsmiðla, vegna óánægju þjóðarinnar með þá kúgun sem er í boði stjórnvalda og hefur verið undanfarna áratugi
Einhver er nú óánægja með þetta fiskveiðikerfi! Bara hærri vextir og verðbólga sem hlýst af svona fyrirkomulagi. Til hvers að eiga auðlind ef hagvöxtur fylgir ekki fyrir þjóðina sjálfa sem á auðlindina? Við vitum alveg hvar gróðinn er falinn, stjórnvöld vita það líka en gera ekki neitt og eru þar með samsek!
Eitthvað fólk út í bæ er að erfa auðlindina okkar, sameign þjóðarinnar, jafnvel fólk sem hefur aldrei stigið um borð í bát eða skip og mun aldrei gera það og þekkir ekki muninn á þorski og karfa!
Fjórði ættliður sem hefur aldrei komið í sjávarpláss eða dýft hendi í kalt vatn, hvað þá sjó og mun aldrei gera það. Er allt í einu að erfa milljarða og taka atvinnufrelsi af þeim sem eru að reyna að byggja afkomu sína á vistvænum veiðum. Þekkt dæmi eru um að braskað sé með sameign þjóðarinnar með því að leigja kvótann í áratugi fyrir milljarða, finnst ráðamönnum þetta bara í lagi?
Ef þetta héti fiskveiðistjórnunarkerfi, fisk-verndarkerfi en ekki elítu-verndarkerfi. Þá væri sá ráðherra sem bein hefði í nefinu búinn að innkalla kvóta þeirra sem eru ekki að veiða hann fyrir löngu síðan!
Auðvitað á að auka þorskkvóta tafarlaust til að slá á verðbólgu og vexti það á líka að opna á fleiri daga fyrir strandveiðar svo atvinna aukist vítt og breitt um allt landið og slá þannig á atvinnuleysi og þenslu á húsnæðismakaði á höfuðborgarsvæðinu.
Er ekki kominn tími á raunverulega aðgerðir sem virka fyrir þjóðina alla? Eða þurfum við að mæta enn eina ferðina á Alþingi?
Myndirnar eru gerðar með gerfigreind og fara eins og eldur í sinu um samfélagsmiðla
Umræða
