Hugleiðingar veðurfræðings
Nú þegar þetta er skrifað eldsnemma á sunnudagsmorgni er djúp og kröpp lægð skammt austur af landinu. Hún veldur norðan hvassviðri eða stormi með snjókomu á austanverðu landinu. Lægðin fer hratt til norðausturs og því skánar veður nokkuð hratt á þessum slóðum þegar kemur fram á daginn, eftir hádegi ætti að vera úrkomulítið og verulega dregið úr vindi. Ferðalangar ættu þó að leita sér upplýsinga um ástand vega áður en lagt er af stað. Vestan megin á landinu er útlit fyrir vestlæga átt í dag með éljum. Frost yfirleitt á bilinu 0 til 5 stig.
Á morgun nálgast næsta lægð okkur úr suðri. Þá gengur í hvassa austanátt með snjókomu, jafnvel sums staðar stormur, einkum til fjalla. Það hvessir fyrst á sunnanverðu landinu, en veðrið færist síðar einnig yfir í aðra landshluta. Síðdegis er gert ráð fyrir að hiti hafi farið vel yfir frostmark nærri suðurströndinni og þá má búast við að úrkoman verði á formi rigningar eða slyddu þar.
Spár gera síðan ráð fyrir að lægð morgundagsins færi sig fyrir austan land á þriðjudag og valdi þá norðanátt, sem verður allhvöss eða jafnvel hvöss. Með fylgir snjókoma eða él, en sunnan heiða ætti að verða úrkomulaust að mestu. Búast má við að kólni með norðanáttinni.
Spá gerð: 22.03.2026 06:44. Gildir til: 23.03.2026 00:00.
Gul viðvörun vegna veðurs: Suðurland, Austurland að Glettingi, Austfirðir og Suðausturland Meira
Veðurhorfur á landinu
Norðan 15-23 m/s og snjókoma á austanverðu landinu framan af degi, en mun hægari vestanátt og él vestantil. Dregur síðan úr vindi og úrkomu, vestlæg átt, 5-15 og él í flestum landshlutum síðdegis. Frost víða 0 til 5 stig.
Gengur í austan 15-23 m/s á morgun með snjókomu, fyrst á sunnanverðu landinu, en rigningu eða slyddu við suðurströndina síðdegis og hita yfir frostmarki þar. Dregur úr vindi og úrkomu sunnantil annað kvöld. Spá gerð: 22.03.2026 09:25. Gildir til: 24.03.2026 00:00.
Veðurhorfur á landinu næstu daga
Á þriðjudag:
Norðan 13-20 m/s og snjókoma eða él, en úrkomulítið sunnantil á landinu. Heldur hægari vindur undir kvöld. Frost 2 til 7 stig.
Á miðvikudag:
Norðvestlæg átt, víða 3-10 m/s, en 10-15 við austurströndina. Allvíða líkur á éljum, einkum við ströndina, en bjartviðri sunnanlands. Frost 3 til 10 stig að deginum.
Á fimmtudag:
Gengur í suðaustanhvassviðri með snjókomu eða slyddu og hlýnar í veðri, en síðan hægari vindur með rigningu við suður- og vesturströndina.
Á föstudag:
Suðvestlæg átt og él, en yfirleitt þurrt austanlands. Hiti kringum frostmark.
Á laugardag:
Útlit fyrir suðaustlæga átt með rigningu eða slyddu og hlýnandi veður.
Spá gerð: 22.03.2026 07:55. Gildir til: 29.03.2026 12:00.
