Fríkirkjuvegur 11, verði gefinn ríkinu og húsið gert að safni um hrunið
,,Af hverju mega ungir menn ekki stunda frjálsar handfæraveiðar, hví er engin nýliðun í kvótakerfinu?“ Spyr Guðmundur Franklín og talar um varðhunda einokunar í sjávarútvegi í Framsóknar – Sjálfstæðis- og VG flokkunum. Hann vill að allur kvóti verði innkallaður og staðan jöfnuð og fólk úti á landi fái rétt og frelsi til að sækja fiskinn sem er á þeirra heimaslóðum. ,,Kerfið er rekið af gráðugum einstaklingum og spilltum aðilum sem hjálpa til að halda óbreyttu ástandi. Hvort sem það er orka eða fiskur, þá er þeim málum stjórnað af gjörspilltu fólki. Allir stjórnmálaflokkar fá gefins peninga frá Samherja og Samherji heldur uppi stjórnmálakerfinu, sérstaklega Vinstri grænum og Sjálfstæðisflokknum, þeir hafa beina tengingu þar.“ Þá segir hann jafnframt að ,,Kaupþing hafi eyðilagt hlutabréfamarkaðinn á Íslandi og það hafi verið Framsóknarmafían sem var á bak við síðasta bankahrun.“
,,Soraritið DV, falsfréttamiðill“
Þá talar hann um DV og Björgólf Thor Björgólfsson og segir að DV sé falsfréttamiðill sem lifi á því að segja falskar sögur um fólk, þar sem talað er illa um fólk. ,,Í blaðinu eru ekkert nema falsfréttir, t.d. um mig, og hver ætti að vita það betur en ég, þegar lygasögurnar eru um mig?“ Segir Guðmunudur Franklín Jónsson forsetaframbjóðandi og fjallar nánar um málið í löngu og ítarlegu máli.
Fríkirkjuvegur 11, húsið verði gert að safni um hrunið
Hann vill að Fríkirkjuvegur 11, verði gefinn ríkinu og þar verði gert safn um hrunið. ,,Útrásarvíkingur númer eitt er allt í einu kominn bakdyrameginn inn í þjóðfélagið með soraritið DV og er að níðast á almenningi og sínum samborgurum eftir að hafa tekið landið næstum því á hausinn og hann ætti að skammast sín. Þegar ég verð orðinn forseti mun ég gera kröfu um það að Fríkirkjuvegur 11, verði gerður að safni um hrunið og þá glæpamenn sem settu okkur á hausinn og þar verði settar upp myndir af útrásarvíkingum og einkaþotunum þeirra og húsið verði fyllt af munum frá kjallara og uppúr um hrunið.“ Segir Guðmundur Franklín og er virkilega misboðið.
Guðmundur Franklín útskýrir hvernig auðmenn komast hjá skattgreiðslum og spila þar flugsamgöngur stærstu rulluna, ,,þeir verða að fá að fljúga til að losna við að greiða skatta.“
https://www.facebook.com/gundifranklin/videos/243550483374261/