,,Ég er ekki að hugsa um það sem gerðist sautjánhundruð og súrkál, ég horfi til framtíðarinnar“
Guðmunudur Franklín Jónsson, forsetaefni, sagði í viðtali í þættinu Reykjavík síðdegis í gær að hann ætlað að standa með þjóðinni þegar kæmi að því að verja eignarhald á auðlindum þjóðarinnar og sölu á ríkiseignum. ,,Það væri sorglegt að horfa upp á hvernig ríkiseignir hefðu verið teknar af þjóðinni og færðar örfáum.“ Þá ætlar hann að nota málsskotsréttinn gegn spillingu eins og fyrirhugaðri sölu á Landsvirkjun og þegar við á til að stöðva spillinguna á Íslandi.
Þá segir Guðmundur Franklín að hann heiti því að skrifa ekki undir nein lög sem skerða tekjur eldri borgara og öryrkja. ,,Við verðum að hugsa um okkar minnsta bróðir og þá þarf einnig að huga að lífeyrismálum og stöðva það að makinn fái ekki lífeyri hins greiddan, þegar annað þeirra deyr, ,,lífeyrismál eru í miklum óleystri á Íslandi“
Ég er ekki fastur í fortíðinni, ég er ekki að hugsa um það gerðist sautjánhundruð og súrkál, ég horfi til framtíðarinnar sagði Guðmundur Franklín þegar hann lýsti því að hann vildi vera með samráðsgátt sem forseti Íslands og vera þannig í nánum tengslum við fólkið í landinu um framtíð lands og þjóðar.
,,Við verðum að snúa bökum saman sem þjóð og fara sátt inn í framtíðina og hætta að vera endalaust að rífast um alla hluti, og hver græðir á sundurlyndinu? Það er þetta eina prósent, 3500 manns sem á hér allt og ræður öllu“ Sagði Guðmunudur Franklín Jónsson forsetaefni m.a. í viðtalinu sem má hlusta á í heild sinni hér.