Tvö skip Samherja sigldu fyrirvaralaust frá Namibíu

Namibíska spillingarlögreglan, ACC, varar stjórnvöld í Namibíu við að leyfa skipum eða fólki sem með einhverjum hætti tengjast rannsókn lögreglu á Samherjaskjölunum að yfirgefa ekki landið nema namibíska spillingarlögreglan eða lögreglan verði fyrst látin vita. Greint er frá málum Samherja á vef namibíska vefmiðilsins New Era.  

Hundruð namibískra sjómanna í áhöfn tveggja skipa skildir eftir í Namibíu

Fyrir helgi var skipi Samherja, Sögu, siglt fyrirvaralaust og án áhafnar frá Namibíu, til Las Palmas á Kanaríeyjum. Skipið var sagt á leið þangað til viðgerða. Þá var Samherjaskipinu Geysi skv. namibískum fjölmiðlum, einnig siglt frá Namibíu án þess að áhöfn væru gefnar skýringar. Meira en hundrað eru í áhöfn þess skips. 

„Í ljósi þess hversu umfangsmikið málið er hvetjum við stjórnvöld til þess að hleypa engum skipum eða fólki sem tengjast málinu úr landi án þess að spillingarlögreglan, ACC eða lögreglan í Namibíu verði látin vita,“ segir New Era yfirmaður spillingarlögreglunnar í Namibíu.Namibian Sun greindi frá því að Samherji hafi skilið fleiri en 100 manns sem strandaglópa í Namibíu þegar skipinu Geysi var siglt fyrirvaralasut frá Namibíu: