,,Þarna voru örlög Sundabrautar ráðin“

Vigdís Hauksdóttir borgarfulltrúi Miðflokksins skrifar um óvænt örlög Sundabrautar

Svona laumaði Dagur og co aðalskipulaginu og nýja deiliskipulaginu í Gufunesi í gegnum borgarkerfið (kíkið á viðhengið neðst á síðunni). Breyting á aðalskipulagi og deiliskipulaginu samþykkt til auglýsingar 24. maí 2018 – 2 dögum fyrir kosningar Breytingin er send í auglýsingu 6. júlí og athugasemdafrestur er til 17. ágúst

Á þessu tímabili er einn fundur í borgarstjórn þann 19. júní og var sá fundur bara afgreiðslufundur – næsti fundur var 4. september

Á þessu tímabili voru sumarleyfi í öllu kerfinu og engin umfjöllun var um málið og allir nýkjörnir borgarfulltrúar algjörlega grunlausir

Á fundi borgarráðs 20. september 2018 kemur málið fyrst inn á fund eftir kosningar og þá í borgarráð – eftir að hafa farið í gegnum skipulags- og samgönguráð 12. september – allt rann í gegn því einungis ein athugasemd barst frá Íslenska gámafélaginu sem er leigjandi borgarinnar á svæðinu

Rétt er að geta þess að síðasti fundur Reykjavíkur á kynningu á skipulaginu fyrir Grafarvogsbúum var 7. desember 2017 – eða rétt fyrir jól meira en hálfu ári áður en ferillin fór af stað

Svona er að lauma uppbyggingu í Gufunesi í gegnum borgarkerfið á lymskulegan hátt

Var Vegagerðin, samgöngunefnd Alþingis og aðrar stofnanir ríkissins með í ráðum?

Þarna voru örlög Sundabrautar ráðin – og nú er verið að grafa gröfina með stórtækum vinnuvélum

Ég hvet fólk til að taka bíltúr á svæðið og sjá allt raskið sem hindrar legu Sundabrautar

Gufunes: Breytt landnotkun