Hugleiðingar veðurfræðings
Skil eru byrjuð að ganga yfir landið og nú i morgunsárið er farið að hvessa af suðri vestast á landinu. Áfram verður vaxandi sunnanátt á landinu og mun vindur ná stormstyrk á nokkrum stöðum vestanlands og á miðhálendinu, einkum á norðanverðu Snæfellsnesi og norðan jökla. Skilunum fylgir einnig rigning, einkum sunnan- og vestantil, en þó mun einhver dálítil væta ná inná norðausturland. Í kvöld snýst síðan í hægari suðvestanátt með skúrum, en léttir til austantil í nótt og fyrramálið.

Fram að helgi er útlit fyrir suðvestan strekkingsvind og áframhaldandi skúrir um landið vestanvert en bjartviðri austanlands. Seinnipart sunnudags er síðan von á myndarlegri lægð að landinu og með henni allhvöss sunnanátt og rigning en er lægðin fikrar sig norðaustur yfir landið þá snýst í norðanátt og slyddu eða snjókomu norðanlands.

Veðuryfirlit
400 km S af landinu er 1029 mb vaxandi hæð sem fer hægt NA og frá henni hæðarhryggur til N. Um 400 km V af Hvarfi er 975 mb lægð sem mjakast A, en 450 km V af Snæfellsnesi er vaxandi lægðardrag sem þokast ANA.

Veðurhorfur á höfuðborgarsvæðinu
Vaxandi suðaustanátt, 8-15 m/s eftir hádegi og rigning með köflum, en úrkomumeira í kvöld. Snýst í suðvestan 5-10 með skúrum í nótt. Hiti 7 til 11 stig.

Veðurhorfur á landinu
Vaxandi sunnanátt, 13-20 m/s vestantil seinnipartinn, annars 8-15. Rigning sunnan- og vestanlands, en þykknar upp með dálítilli vætu norðaustantil síðdegis. Snýst í hægari suðvestanátt seint í kvöld og í nótt, fyrst vestast. Suðvestan 5-13 á morgun, en hvassara um tíma suðaustanlands. Skúrir á vesturhelmingi landsins, en að mestu léttskýjað austantil. Hiti 6 til 12 stig að deginum.
Spá gerð: 16.09.2020 04:50. Gildir til: 17.09.2020 00:00.

https://www.vedur.is/vidvaranir

Veðurhorfur á landinu næstu daga
Á fimmtudag:
Suðvestan 5-13 m/s og rigning eða skúrir, en þurrt og bjart að mestu austantil á landinu. Hiti 7 til 13 stig, hlýjast á Norðausturlandi.

Á föstudag:
Suðvestlæg átt, 8-15 m/s og smáskúrir vestantil, en hægari vindur og léttskýjað um landið austanvert. Hiti breytist lítið.

Á laugardag:
Suðvestan 10-18 m/s. Rigning með köflum sunnan- og vestanlands, en hægari vindur, bjartviðri og úrkomulítið norðaustan- og austanlands. Áfram milt í veðri.

Á sunnudag:
Vaxandi sunnanátt með rigningu, víða allhvass vindur um kvöldið. Hiti 6 til 10 stig.

Á mánudag:
Líklega hvöss suðvestlæg eða breytileg átt og rigning um allt land. Útlit fyrir norðlæga átt og slyddu eða snjókomu norðvestantil um kvöldið. Kólnandi veður.

Á þriðjudag (haustjafndægur):
Útlit fyrir stífa norðlæga átt með slyddu eða snjókomu norðantil, en þurrt að kalla sunnanlands.
Spá gerð: 15.09.2020 20:40. Gildir til: 22.09.2020 12:00.