Hugleiðingar veðurfræðings
Í dag verður hæg sunnanátt. Svæði með lítilsháttar rigningu eða súld er á norðurleið yfir vestanverðu landinu en þurrt verður í öðrum landshlutum. Hiti fer upp í 3 til 8 stiga en á Austfjörðum verður hiti nálægt frostmarki. Laugardagurinn byrjar líka með rólegri sunnanátt og dálitlum skúrum eða éljum við norðurströndina. Eftir hádegi verður vaxandi suðaustanátt og rigning eða súld sunnan- og vestanlands. Hiti 4 til 9 stig en eins og áður heldur svalara fyrir austan. Sunnudagurinn verður víða blautur. Rigning í fyrstu, skúrir síðdegis. Hiti breytist lítið. Kólnandi veður eftir helgina og sums staðar snjókoma eða él og hiti um eða undir frostmarki.
Veðuryfirlit
150 km N af Færeyjum er 1018 mb smálægð sem þokast A. Um 250 km V af Írlandi er 1028 mb hæð sem mjakast SA. 700 km S af Hvarfi er 979 mb lægð á norðurleið.
Veðurhorfur á landinu
Suðlæg eða breytileg átt 3-8 m/s og dálítil væta á vestanverðu landinu en birtir upp norðaustan- og austanlands. Hiti 3 til 8 stig yfir daginn en nálægt frostmarki á Austfjörðum. Hæg breytileg í fyrramálið og þurrt, en dálitlir skúrir eða él um landið norðanvert. Hiti 1 til 7 stig, mildast syðst. Gengur í suðaustan 8-15 m/s seinnipartinn með rigningu og súld vestantil.
Veðurhorfur á höfuðborgarsvæðinu
Hæg suðlæg átt og dálítil væta af og til en léttir til eftir hádegi. Hægt vaxandi suðaustanátt á morgun, þykknar upp og fer að rigna síðdegis. Hiti 2 til 6 stig.
Spá gerð: 01.04.2022 05:19. Gildir til: 02.04.2022 00:00.
Veðurhorfur á landinu næstu daga
Á laugardag:
Hæg breytileg átt framan af degi og þurrt, en dálitlir skúrir eða él um landið norðanvert. Hiti 1 til 7 stig, mildast syðst. Gengur í suðaustan 8-15 m/s seinnipartinn með rigningu og súld vestantil.
Á sunnudag:
Suðlæg eða breytileg átt 5-13 og víða rigning, en slydda á Austurlandi. Hiti frá 1 stigi við austurströndina, upp í 8 stig syðst. Norðlægari og kólnar með snjókomu norðanlands um kvöldið, en styttir upp syðra.
Á mánudag:
Norðan 8-15, él og vægt frost. Bjartviðri sunnan heiða og hiti 1 til 6 stig yfir daginn.
Á þriðjudag:
Norðaustan 5-13 og dálítil él, en þurrt um landið vestanvert. Frost 1 til 7 stig, en frostlaust við suðurströndina yfir daginn.
Á miðvikudag:
Breytileg átt og víða þurrt og bjart veður, en skýjað að mestu og dálítil él norðantil. Hiti breytist lítið.
Á fimmtudag:
Hæg breytileg átt og bjart og þurrt að mestu. Frost 0 til 5 stig yfir daginn en hiti yfir frostmarki sunnantil. Töluvert næturfrost.
