,,Betra ef gámarnir verða tæmdir, því þá er léttara að draga þá í land“
Gáma rak á land í nótt á Álftanesi, þetta kom í ljós þegar fór að birta í morgun og eru björgunarsveitir nú að störfum og að athuga aðstæður á svæðinu.
Að sögn Einars Magnússonar sem er í fjörunni, er um að ræða nokkra gáma sem hafa dottið af flutningaskipi sem hefur verið að koma frá Ameríku. það liggja bæði Iphone 13 Pro símar sem eru 100% vatnsþéttir og tölvur út um allt í fjörunni og fleira eigulegt í umbúðunum og svo eru gámarnir fullir af vörum.
,,Það eru nokkrir af gámunum merktir Costco og þegar við opnuðum þá, kom í ljós að þeir eru fullir af allskonar vörum allt frá áfengi, bæði sterku og léttu víni og svo bjórkössum og upp í eigulega hluti eins og nýjustu gerð af Iphone 13 Pro.
Við opnuðum nokkra kassa og kveiktum á símunum og þeir virka að sjálfsögðu þar sem þeir eru vatnsheldir. Við erum búnir að fá staðfest að þetta séu gámar sem hafa dottið af skipi Eimskips og ég giska á að þetta séu fimmtán gámar hér í fjörunni, jafnvel fleiri.“
Fólk tekur vörur úr gámunum
,,Það er búið að vera talsvert um að fólk sé að koma og hirða úr gámunum sem hafa komist á þurrt í fjörunni en þeir voru alveg þurrir að innan og allt heilt sem í þeim er“ segir Einar.
Það er bara betra ef þeir verða tæmdir, því þá er léttara fyrir okkur að draga þá í land segir Einar sem má ekki vera að því að tala lengur við okkur og fer inn í einn af gámunum sem inniheldur raftæki, verkfæri og fleira.
