Frægir leikarar eru nú staddir á Íslandi vegna kvikmyndar sem verður tekin hér á landi í sumar. Um er að ræða kvikmynd sem er byggð á sannsögulegum atburði. Leonardo DiCaprio og Robert Downey, Jr. eru staddir hér á landi vegna töku myndarinnar og lesandi hafði samband rétt í þessu og sagði þá félaga vera stadda í Kringlunni núna, þar sem sást til þeirra í bæði skartgripa og úraverslun.
UPPFÆRT 2. APRÍL – 1. APRÍL GABB FRÉTTATÍMANS GEKK VEL Í ÁR EINS OG ÁRIN Á UNDAN OG ÞAÐ VORU ÓFÁIR SEM FENGU GÓÐA HREYFINGU OG FÓRU A.M.K. YFIR TVO ÞRÖSKULDA Í KRINGLUNNI. TAKK FYRIR ÞÁTTÖKUNA 😀
,,Ég fékk eiginhadaráritun hjá þeim báðum og þeir voru mjög vinsamlegir, þeir voru bara að skoða einhver dýr úr og fleira, vonandi erum við að eignast nýja ,,Íslandsvini“ en þeir eru báðir harðir baráttumenn fyrir náttúruvernd,“ sagði aðdáandi þeirra.
Framleiðendur myndarinnar vilja ekki gefa frekari upplýsingar um efni myndarinnar en um er að ræða sannsögulega mynd og hentar náttúran á Íslandi vel til myndatöku fyrir hana að þeirra sögn. Þeir staðfesta að Leonardo DiCaprio og Robert Downey, Jr. séu á landinu í dag en ekki er vitað hvað heimsóknin mun vara lengi og einkaþota þeirra stendur ennþá á Keflavíkurflugvelli.
Umræða
