Á annað þúsund manns komu saman á Austurvelli 31. maí. Það pirraði Rúv og olli paník á Efstaleiti. Lygaveita ríkisins hins vegar er lævís, undirförul, síljúgandi jafnan með fólkið í landinu á þvottabretti stýrandi hugsun þjóðar.
Birta Björnsdóttir fréttaþula kvað „…nokkurn hóp fólks hafa komið saman … til stympinga hafi komið við annan hóp.“ Eitrað Rúv skaut eiturörvum í engu samræmi við það sem fram fór á Austurvelli. Eva Björk Benediktsdóttir fréttakona fór á Ingólfstorg þar sem voru innan við 100 manns. Þar var palestínufána veifað, fólk fylgjandi Opnum landamærum: “No Border; No Nations, No Deportations.“ Markmið verða ekki skýrari.
VINIR Rúv …
Eva Björk kvað fólkið vera mótmæla rasisma á Austurvelli !!! Vegna ofbeldishótana hefði fólkið fært sig á Ingólfstorg. Lygaveita ríkisins kýrskýr í lygi sinni. Íslenskt alþýðufólk undir íslenskum fána eru rasistar í svartbók Rúv. Því var blákalt logið að No Border-fólk hafi ekki farið á Austurvöll.
Þar voru líka Antifa-liðar með hulin andlit, fazísk samtök með sjokkerandi ferilskrá erlendis. Rúv ræddi við grímaðan Antifa-liða. Þetta er ekki hægt að skálda. No border og Antifa á mála hins alræmda George Soros. Myrkvað Rúv hleypir engu ljósi, engri von inn á heimili landsmanna.
HVER GAF Rúv HEIMILD?
Ný skoðanakönnun leiðir í ljós að mikill meirihluti landsmanna, eða 61%, telur að fjöldi flóttafólks sem fær hæli á Íslandi sé of mikill, 72% telja að kostnaður og vandamál við komu flóttafólks of mikil. Spurt er: Hver hefur gefið Rúv heimild til þess að skipta um þjóð í landinu?
TIL HAMINGJU, ÍSLAND !!!Að kvöldi 31. var ég með eftirfarandi færslu: Til hamingju Ísland, þjóð þín er að vakna. Ættjarðarvinir undir merkjum “Ísland, þvert á flokka” komu saman á Austurvelli 31. maí 2025 undir íslenskum fánum um og yfir þúsund manns. Fólkið hefur tekið varðstöðu um Ísland; íslenska þjóð, íslenska menningu, íslenska tungu og yfir þúsund ára kristna arfleifð þjóðarinnar. Það var falleg sjón.
Áfram Ísland, áfram Ísland, áfram Ísland kyrjaði fólkið. Dagurinn fer í sögubækur sem uppphaf vakningar. Forfeður okkar frá dögum Jóns Sigurðssonar [1811-1879], Jónasar Hallgrímssonar [1807-1845] og Hannesar Hafstein [1861-1922] blésu þjóðinni eldmóð í brjóst. Lag Magnúsar Þórs Sigmundssonar [1948-] við kvæði Margrétar Jónsdóttur [1893-1971] hefur blsið fólki ættjarðarást í brjóst síðustu fjörtíu ár.
”Ísland er land þitt, ávallt þú geymir. Ísland í huga þér, hvar sem þú ferð. … Ísland er feðranna afrekum hlúði. Ísland er foldin sem lífið þér gaf…“
Sjá má myndir á fb-síðu minni. Hér má sjá umfjöllun Ruv: frétt I
Umræða
