Minnst 410 almennir borgarar hafa fundist látnir en óttast er að mannfall sé mun meira, í bænum Bútsja sem er skammt frá höfuðborg Úkraínu. Sameinuðu þjóðirnar segja þetta vekja spurningar um hvort stríðsglæpir hafi verið framdir.
Leiðtogar víða um heim hafa fordæmt verknaðinn og lögð er áhersla á að Rússar verði látnir sæta ábyrgð og eru enn frekari viðskiptaþvinganir m.a. boðaðar.
Volodymyr Zelensky, forseti Úkraínu, sendi frá sér yfirlýsingu í gærkvöld og kallaði Rússa bæði morðingja og pyntara. Hann sagði Rússa ætla sér þjóðarmorð á Úkraínumönnum.
Volodymyr Zelensky ávarpaði rússneska ráðamenn og almenning og spurði hvað m.a. almennir borgarar í Bútsja hefðu til saka unnið gegn Rússneska ríkinu.
Umræða
