Vill handtökutilskipun á hendur Pútín

Fyrr­ver­andi sér­stak­ur sak­sókn­ari á sviði stríðsglæpa, Carla Del Ponte, kall­ar eft­ir því að alþjóðlegi saka­mála­dóm­stóll­inn gefi út hand­töku­til­skip­un á hend­ur Vla­dimír Pút­in, for­seta Rúss­lands.

Del Ponte er frá Sviss og vakti at­hygli fyr­ir störf sín sem sak­sókn­ari vegna þjóðarmorðanna í Rú­anda og stríðsins í Júgó­slav­íu. Stórt og mik­il­vægt skref væri stigið með því að gefa út hand­töku­til­skip­un, að mati Del Ponte. Þar með væri sýnt fram á að rann­sókn hefði farið fram og hægt að kalla Pútín fyr­ir dóm.

Pútín yrði líklega ekki hand­tek­inn í Rússlandi, en ef slík til­skip­un yrði gef­in út hefði hún þær af­leiðing­ar að Pútín gæti ekki farið út fyr­ir landa­mæri Rúss­lands. Gæfi það sterk skila­boð þess efn­is að hann hefði allt alþjóðasam­fé­lagið upp á móti sér.