Sölvi Tryggvason brotnaði saman og hágrét vegna meints ofbeldis eltihrellis

Sölvi Tryggvason hafði skýrt lögreglu frá því fyrir nokkrum vikum að kona væri að hóta að rústa mannorði sínu og það væri allt undir hjá honum vegna þessa. Mannorð hans og þar með lífsviðurværi væru undir.

„Ég hef ekki fengið neina afsökunarbeiðni og mér skilst að fréttin sé enn uppi hjá Mannlífi“ sem birti frétt um sögusagnir, sem eiga að fjalla um Sölva Tryggvason s.l. laugardag, án þess þó að nafngreina hann, skv. frásögn Sölva. Enda sé um upplognar slúðursögur að ræða sem vitnað er í sem eigi sér enga stoð í raunveruleikanum að sögn Sölva. Innihald fréttarinnar var m.a. sprottin vegna ásakana áhrifavaldsins Ólafar Töru Harðardóttir um ofbeldi þekkts manns í þjóðfélaginu gagnvart vændiskonu en hún nafngreindi engan í færslunni.

Búinn að ganga í gegnum hreint helvíti

Í viðtalinu spjallar Sölvi við lögmann sinn sem er Saga Ýr Jónsdóttir, ,,það nennir enginn að slúðra um einhvern sem gengur illa hjá, það gengur vel hjá þér og þá er ráðist á þig.

Sölvi þú veist hvaða mann þú hefur að geyma, ég veit að þetta er búið að vera hræðilegt fyrir þig. Það gerir sér enginn grein fyrir því hverning síðustu dagar hafa verið hjá þér. Þú ert búinn að ganga í gegnum hreint helvíti.“ Segir Saga Ýr.

Þá gagnrýnir Saga Ýr einnig fjölmiðla á Íslandi sem sumir hverjir hafi í gegnum tíðina birt falsfréttir til að eyðileggja mannorð fólks, og sagði að það væri hræðilegt ef við ætluðum að búa hér í samfélagi þar sem hægt er að taka menn niður og eyðileggja mannorð fólks bara til að fá ,,klikk“ frá lesendum.

Óánægður með vinnubrögð lögreglu

„Mér líður ennþá eins og ég hafi gert mistök að leita til lögreglu,“ segir Sölvi en hann segir að lögreglan hafi mætt sér af nokkuð mikilli léttúð, hann hafi sagt henni að það væri manneskja sem ætlaði að rústa mannorði sínu samkvæmt hótunum í hans garð. Sölvi segist hafa efast um að hann væri maðurinn í slúðursögunum vegna þess að konan sem hann átti í samskiptum við væri ekki vændiskona.

,,Pabbi minn er búinn að jarða bróður minn og hann er ekki að fara að jarða annan strák“ segir Sölvi þegar hann talar um erfiða hluti sem hann hefur orðið að ganga í gegnum. ,,Hvernær krassa ég, hvernær lendi ég inn á geðdeild?“ Það er átakanlegt að fylgjast með myndbandinu sem sýnir afleiðingar þessa harmleiks sem Sölvi Tryggvason hefur verið að ganga í gegnum undanfarna daga. Ekki er vitað um frekari málavexti að svo stöddu.

https://www.youtube.com/watch?v=u3YqHaVzfrs

https://gamli.frettatiminn.is/04/05/2021/eltihrellar-mega-buast-vid-fjogurra-ara-fangelsisvist/