Samkvæmt dagbók lögreglu var gerð alvarleg líkamsárás í Reykjavík þar sem hnífi var beitt. Þolandinn var fluttur með meðvitund á bráðamóttöku Landspítala og líðan hans er eftir atvikum að sögn lögreglu. Málið er til rannsóknar og frekari upplýsingar ekki veittar að svo stöddu.
Nokkrar tilkynningar voru um grunsamlegar mannaferðir í miðborginni, m.a. vegna fólks sem reyndi að hafa á brott föt úr fatasöfnunargámi fyrir notuð föt.
Minniháttar bruni varð vegna elds í eldavél í íbúðarhúsi, tjón varð óverulegt.
Tveir ökumenn voru stöðvaður grunaðir um akstur undir áhrifum áfengis og vímuefna.
Hafnarfjörður og Garðabær
Tilkynningar bárust vegna ógætilegs aksturslags bifhjóla, einnig var tilkynnt um hugsanlega ölvaðan ökumann, en lögregla stöðvaði hann þar sem hann ók og hann reyndist ekki undir áhrifum áfengis eða vímuefna.
Kópavogur og Breiðholt
Tilkynnt var um eld í grilli, vel gekk að slökkva og tjón varð óverulegt.
Grafarvogur, Grafarholt og Mosfellsbær
Tilkynnt var um yfirstandandi innbrot í heimahús, þegar lögregla athugaði málið reyndist um að ræða fólk sem var að koma sér fyrir í íbúð sem þau leigðu á airbnb.
Tveir ökumenn voru stöðvaðir að stjórna ökutæki í annarlegu ástandi, annar undir áhrifum áfengis og hinn undir áhrifum ávana- og fíkniefna.
