Hlekkjuðu sig við hvalveiðibáta

Aðgerðir lögreglu standa nú yfir við Reykjavíkurhöfn, en þar fór fólk í óleyfi í tvo hvalbáta og er þar enn. Um er að ræða tvær konur sem hafa hlekkjað sig við hvalveiðibátana og halda til í möstrum þeirra.

Lögreglan hefur farið upp í möstrin og hefur komið í ljós að önnur konan er með mat og vatn sem og síma en hin er alslaus. Til stóð að skipin færu á sjó í dag en líklegt að töf verði á því.

Ana­hita Baba­ei er ann­ar tveggja aðgerðarsinna sem hafa læst sig við mast­ur hval­veiðiskip­anna. Hún seg­ir á In­sta­gram frá því að hún hafi læst sig við mast­ur hval­veiðiskips­ins Hvals 9 í mót­mæla­skyni við hval­veiðum Hvals hf. Hér að neðan er skjáskot af yfirlýsingu hennar.