Ofbeldismaður Guðrúnar, Mark Doninger fékk að spila með Stjörnunni

Sölvi Tryggvason blaðamaður á Fréttablaðinu birtir í dag viðtal við Guðrúnu Dögg Rúnarsdóttir sem að lýsir þar sambandi sínu við fyrrverandi leikmann ÍA, Mark Doninger.

Í viðtalinu er því m.a. lýst að eftir sambandsslit þeirra, hafi Mark reynt að kyrkja Guðrúnu en Þrír liðsfélaga Marks og þjálfari þeirra stöðvuðu hann. Guðrún Dögg kærði Mark og hann var dæmdur í Hæstarétti í 8 mánaða skilorðsbundið fangelsi.
Guðrún segir að á meðan á málaferlunum stóð hafi ÍA stutt við Mark, þótt þjálfarinn hafi verið vitni að árásinni. Þeir sem voru við stjórnvölinn hjá ÍA á meðan á ofbeldinu stóð hafa enn ekki beðist afsökunnar

Eftir að Mark Doninger fór frá ÍA, lá leið hans til Stjörnunar í Garðabæ og mikil ólga er meðal íbúa þar á spjallþræði vegna málsins og lýst er yfir furðu að Stjarnan hafi gert samning við Mark Doninger eftir það sem að hafði gengið á upp á Akranesi.
M.a. var bent á að búið var að gefa út ákæru og birta fréttir af henni í fjölmiðlum áður en Stjarnan gerði samning við hann um að koma til Stjörnunnar. ,,Hvernig má það vera að Stjarnan hafi tekið við þessum leikmanni eftir það sem á undan var gengið?“  Er spurt.
,,Þetta er rosaleg lesning og það á einfaldlega ekki að vera í boði fyrir stjórn Stjörnunnar að svara ekki spurningum um þetta mál. Þetta snýst um svo miklu meira en þennan eina mann. Er fólk almennt bara ok með það að við sendum þau skilaboð að þú getir gert hvað sem er svo lengi sem þú ert góður í fótbolta og ef stelpur lenda í þessum aðstæðum þá megi þær búast við mótlæti ef gerandinn er eitthvað númer í einhverju liði?“ Segir aðili sem að tjáir sig um greinina.
Einn aðili sem að tengist Stjörnunni segir ,, Var nú ekki í stjórn né meistaraflokksráði á þessum tíma, en samkvæmt KSI.is þá spilaði hann 11 leiki í deild og 2 í bikar, kom á miðju sumri og dómur ekki legið fyrir í hæstarétti. En það virðist sem menn hafi kynnt sér málið frekar og sögur og ummæli könnuð frekar, enda stoppaði viðkomandi leikmaður stutt við eða innan við 3 mánuði og augljóslega enginn vilji til að semja við hann frekar.
Enda um skelfilegt mál að ræða og gögn málsins orðin opinber og dóms niðurstaða liggur fyrir þá er öllum ljóst hvað hafði gengið á og hversu skelfilegt mál var um að ræða. Ég treysti félaginu fullkomlega til að taka á svona málum í dag enda engin tilviljun að félagið sé eitt það farsælasta á landinu í dag og frábært íþróttastarf og forvarnarvinna sem félagið leggur til samfélagsins í bænum. En vissulega má alltaf gera betur og það má aldrei sofna á verðinum.“