Hugleiðingar veðurfræðings
Það er fremur hæg suðlæg átt í dag með stöku skúrum eða éljum á landinu. Hiti er í kringum frostmark nú í morgunsárið en kemst víða í 5 til 7 stig yfir hádaginn. Í nótt nálgast lægð með vaxandi suðaustanátt. Allhvasst eða hvasst á morgun og jafnvel stormur suðvestanlands. Þessu fylgir rigning sunnan- og vestantil á landinu og hlýnandi veður. Áfram suðaustanátt á laugardag, en talsvert hægari vindur. Rigning eða skúrir og milt veður, en yfirleitt þurrt á Norðurlandi. Spá gerð: 06.04.2023 06:42. Gildir til: 07.04.2023 00:00.
Veðurhorfur á landinu
Suðlæg eða breytileg átt 3-8 m/s í dag. Stöku skúrir eða él, hiti 0 til 7 stig yfir daginn. Vaxandi suðaustanátt í nótt. Gengur í suðaustan 13-23 m/s og hlýnar með rigningu á morgun, hvassast um landið suðvestanvert. Úrkomulítið á Norður- og Norðausturlandi. Hiti 4 til 11 stig eftir hádegi. Spá gerð: 06.04.2023 03:39. Gildir til: 07.04.2023 00:00.
Veðurhorfur á landinu næstu daga
Á föstudag (föstudagurinn langi):
Gengur í suðaustan 13-23 m/s og hlýnar með rigningu, hvassast um landið suðvestanvert. Úrkomulítið á Norður- og Norðausturlandi. Hiti 4 til 11 stig eftir hádegi.
Á laugardag:
Suðaustan 8-15. Þurrt að kalla norðanlands, annars skúrir, en rigning suðaustantil. Hiti 3 til 10 stig.
Á sunnudag (páskadagur):
Suðaustan og austan 10-18, hvassast við suðurströndina. Rigning með köflum, einkum suðaustanlands, en þurrt um landið norðanvert. Áfram milt í veðri.
Á mánudag (annar í páskum):
Austlæg átt og rigning sunnantil, en víða rigning eða slydda um kvöldið. Kólnandi veður.
Á þriðjudag:
Snýst í suðlæga átt. Rigning eða slydda, en þurrt á Austurlandi. Stöku skúrir eða él sunnan- og vestanlands um kvöldið. Hiti 1 til 5 stig að deginum.
Á miðvikudag:
Útlit fyrir norðaustanátt með rigningu eða slyddu austanlands.
Spá gerð: 05.04.2023 20:23. Gildir til: 12.04.2023 12:00.