Fremur hæg austlæg átt og skúrir en þurrt og bjart veður norðanlands. Hiti 3 til 10 stig, hlýjast á Vesturlandi og víða næturfrost norðaustantil.
Á morgun gengur í norðaustan átt, víða 8-13 m/s og kólnar heldur. Um norðanvert landið þykknar upp með deginum og með dálítil él þar annað kvöld. Áfram skúrir sunnanlands á morgun en það styttir upp og rofar til á miðvikudag, eins og svo oft þegar að vindur er norðlægur. Svalt veður, hiti 0 til 5 stig að deginum og víða næturfrost, en ætli sólin nái ekki að hífa hitann að 10 stigum suðvestanlands.
Útlit er fyrir að norðlæga áttin haldist og að veður breytist lítið fram yfir helgi. Apríl var hlýr mánuður á landinu, en þessi vika verður svöl.
Veðurhorfur á landinu
Austlæg eða breytileg átt, 3-8 m/s og skúrir um sunnanvert landið en þurrt og bjart norðantil. Norðaustan 5-10 á morgun en 10-15 norðvestantil síðdegis. Skúrir sunnanlands og þykknar upp um norðanvert landið með deignum, dálítli él þar annað kvöld. Hiti 3 til 10 stig, hlýjast á Vesturlandi og víða næturfrost inn til landsins.
Spá gerð: 06.05.2019 04:38. Gildir til: 07.05.2019 00:00.
Veðurhorfur á landinu næstu daga
Á miðvikudag og fimmtudag:
Norðaustan 5-13 m/s og dálítil él N- og A-lands, en þurrt og bjart annars staðar. Hiti 1 til 8 stig, mildast S-til, og víða næturfrost.
Á föstudag og laugardag:
Áframhaldandi norðlægar áttir með dálitlum éljum, en bjartviðri sunnan heiða. Hiti breytist lítið.
Á sunnudag:
Útlit fyrir austlæga átt og þurrt og svalt veður, einkum fyrir norðan.
Spá gerð: 06.05.2019 08:39. Gildir til: 13.05.2019 12:00.