Ólöglegt að verslanir taki ekki við reiðufé

Ásgeir Jónsson, seðlabankastjóri segir ótækt að verslunum sem taka ekki við reiðufé fari fjölgandi og útilokar ekki að Seðlabankinn beiti sér hvað það varðar.

,,Það er mjög mikilvægt að reiðufé gangi áfram sem gjaldmiðill á þessu landi, -sérstaklega þegar við erum að tala um nauðsynjavörur, eins og mat og eldsneyti. Atburðir erlendis ættu að vera gríðarleg hvatning fyrir okkur og bankana að klára þetta mál.“ Segir Ásgeir Jónsson.

,,Seðlabankinn hefur reiknað út að samfélagskostnaður af notkun greiðslumiðla hér á landi sé rúmir 54 milljarðar króna á ári, á hverju ári. Og það er enginn smápeningur, svo þetta sé sett í samhengi er áætlað að nýr Landspítali kosti 200 milljarða króna.

Það er óásættanlegt að allar greiðslur hér á landi séu inntar af hendi erlendis,“ segir Ásgeir Jónsson, seðlabankastjóri. Hann vill vinna með viðskiptabönkunum að innlendu kerfi. Aukinheldur sé ótækt að verslanir taki ekki við reiðufé.“

Lög um gjaldmiðil Íslands  3. gr.
 Peningaseðlar þeir, sem Seðlabanki Íslands lætur gera og gefur út, og peningar þeir, sem hann lætur slá og gefur út, skulu vera lögeyrir í allar greiðslur hér á landi með fullu ákvæðisverði.

Fjallað var um málið á opn­um fundi efna­hags- og viðskipta­nefnd­ar Alþing­is 

Það er mik­il­væg þjón­usta við al­menn­ing að hægt sé að nota reiðufé. Því legg­ur seðlabanka­stjóri til að Alþingi styrki laga­lega heim­ild Seðlabank­ans til þess að skylda aðila til þess að taka við reiðufé og seg­ir bank­ann skoða að nýta rétt sinn til að skylda þá sem selja nauðsynja­vör­ur til að taka við reiðufé.

Þetta er meðal þess sem Ásgeir Jóns­son seðlabanka­stjóri sagði í svari sínu við fyr­ir­spurn Pawel Bartoszek, þing­manns Viðreisn­ar, á opn­um fundi efna­hags- og viðskipta­nefnd­ar Alþing­is í gær. Fund­ar­efnið var skýrsla fjár­mála­eft­ir­lits­nefnd­ar Seðlabanka Íslands til Alþing­is fyr­ir árið 2024. Auk Ásgeirs var Björk Sig­ur­gísla­dótt­ir, vara­seðlabanka­stjóri fjár­mála­eft­ir­lits, einnig gest­ur á fund­in­um.

Pawel sagði tvö sjón­ar­horn tak­ast á varðandi notk­un al­menn­ings á reiðufé. Ann­ars veg­ar, með hliðsjón af fjár­mála­eft­ir­liti, væri reiðufé illa rekj­an­legt. Hins veg­ar hefði seðlabanka­stjóri mælt með því ný­lega að fólk ætti bunka af reiðufé heima til von­ar og vara.

Verslanir sem ekki taka reiðufé sektaðar um 315 milljónir

Seðlabankinn beiti sér gagvart verslunum sem neita að taka við reiðufé