Olíuþjófar og hryðjuverkaógn
Þúsundum lítra af olíu hefur að undanförnu verið stolið einkum úr flutningabílum og fyrirtækið Fraktlausnir orðið fyrir barðinu á þjófum, sbr umfjöllun DV. Kvartað er yfir áhugaleysi lögreglu að upplýsa mál en líklegast eru menn helst að dæla á eigin bíla. Lögregla hefur vitneskju um að Arabar eru meðal þjófa að undanförnu, samkvæmt áreiðanlegum heimildum mínum.
Athygli vakti þegar nágrannar kvörtuðu undan bíl við Miklubraut fullum af olíubrúsum sem að lokum var fjarlægður. Við Seljakirkju hafa fjórir bílar fullir af olíubrúsum og gaskút verið fjarlægðir. Tveir létust og þriðji slasaðist þegar mikil sprenging varð í kjallara á Hringbraut. Kvartað er yfir getuleysi lögreglu á að upplýsa mál.
Reyndir lögreglumenn sem hafa haft samband við mig benda á hættu af hryðjuverkum. Hætta hefur stigmagnast á undanförnum árum. Greiningadeild Ríkislögreglustjóra telur Ísland ekki sérstakt skotmark alþjóðlegra hryðjuverkasamtaka en óbein ógn sé vegna stríðsátaka í Mið-Austurlöndum. Það er hér sem málið er dauðans alvara.
BREIVIK, OLÍA & ÁBURÐUR
Norski fjöldamorðinginn Anders Breivik blandaði olíu og áburði þegar hann sprengdi 2.100 punda; 950 kílóa sprengju í miðborg Osló 22. júlí 2011 þar sem átta fórust. Hann studdist við leiðbeiningar á netinu til þess að búa til sprengju. Breivik keypti sex tonn af áburði af kaupfélagi og alimúníumduft af pólsku fyrirtæki. Breivik hafði leigt bóndabýlið Åsta í Heiðmörk til að framleiða sprengjuna. Í hinni svívirðilegu árás í Útey biðu 69 ungmenni bana.
