Veiðin.is
Nú þegar fer að hausta, er fullt af fólki sem hefur það fyrir vana sinn að tína sveppi hér og þar um allt land, sumir eru m.a.s. svo öflugir að þeir frysta helling og nota allt árið í matargerð.
Fjöldi tegunda af sveppum á Íslandi er mikill og oft er fólk ekki öruggt með hvað er óhætt að borða og hvað ekki? Þá er hægt að leita ráða í facebookhóp á netinu þar sem fólk skiptist á myndum og upplýsingum um hvaða sveppir séu í lagi og hverjir ekki. Þar er t.d. sveppasérfræðingur sem gefur greinargóð svör við öllum spurningum sem kunna að vakna:
Meðlimir hópsins eru hvattir til að setja inn myndir og góð ráð og deila þekkingu sinni á matsveppum auk þess að fá ráð frá þeim sem vita betur.
ATH: Aldrei skal borða svepp sem óvissa er um hvort sé ætur eða ei.
Hér er einnig fjallað um alla hina íslensku sveppina sem ekki eru ætir heldur forvitnilegir. Sveppir og sveppslegar lífverur, eins og slímsveppir sem eru frumverur, koma víða við sögu í vistkerfum landsins en lítið sést til þeirra nema rétt á meðan þeir skjóta upp aldinum.
Annar stjórnandi hópsins, Guðríður Gyða Eyjólfsdóttir, er sveppafræðingur og starfar sem slíkur á Náttúrufræðistofnun Íslands á Akureyri þar sem hún safnar upplýsingum um og varðveitir sýni af íslenskum sveppum. Hinn stjórnandi hópsins vill helst geta borðað sem flesta sveppi á öruggan hátt.
Umræða