Það er mikill hamagangur í öskjunni varðandi alla dróna sem sagt er að komi frá Rússum og herji á Kaupmannahöfn, Osló og fleiri borgir. En enginn getur sagt hvaðan drónarnir koma. Lars Bern hjá Swebtv telur allt saman „lykta af sviðsetningu“ og segir þetta aðgerð falsks fána. „Þeir hafa ekki fengið staðfest hvaðan drónarnir koma.“
Og Pútín hlær að móðursýkinni. Lars Bern segir:
„Við höfum enga hugmynd um hvaðan drónarnir koma. Ekki hefur tekist að skjóta niður neinn þeirra. Allt lyktar þetta af hreinni sviðsetningu, þetta lyktar eins og samsæri.“
Svo um hvað snýst málið þá?
„Ég held að það sé einfaldlega þannig að stjórnmálamenn í Evrópu, sem vilja fara í stríð við Rússland, hvað sem það kostar, hafa almenningsálitið á móti sér. Almenningur í Evrópu hefur ekki minnsta áhuga á þessu stríði sem stjórnmálamennirnir vilja ólmir komast í og stórir efnahagslegir hagsmunir vilja. Almenningur vill í staðinn eiga friðsamlegt samband við Rússland. En það vilja ekki ráðandi öfl.“
Að sögn Berns eru „ótrúlega öflugir efnahagslegir hagsmunir á Vesturlöndum“ sem vilja steypa Pútín af stóli og fá aðgang að náttúruauðlindum Rússlands.
„Rússland er það land í heiminum sem hefur stærstu hlutdeild allra landa í mikilvægum hráefnum. Þar eru gríðarlegar auðlindir.“
En þar sem fólkið er ósammála stríðsstefnunni, þá „snýst þetta um að hræða fólk svo það óttist Rússa.“
„Og þá setur maður svona hluti á svið. Þetta eru allt falsfánar, held ég. Og markmið þessara falsfána er að við séum hrædd. Alveg eins og reynt var að hræða okkur með Covid.”
Pútín líkir drónahrollvekju ESB við hræðslu við fljúgandi geimverur
Pútín var á árlegum fundi Valdaiklúbbsins á fimmtudaginn og fékk spurningar um af hverju hann væri að senda fljúgandi dróna til Danmerkur. Pútín svaraði í hæðnistón:
„Ég skal hætta því. Ég skal ekki fljúga þeim til Frakklands, Danmerkur eða Kaupmannahafnar lengur.”
Pútín segir drónaflugið vera gert í þeim tilgangi að fá fólk til að hlýða skipun Washington um að auka útgjöld til hernaðarmála. Einnig að drónarnir séu notaðir til að beina athygli frá vanda á heimavelli ekki síst í efnahagsmálum:
„Valdhafar í ESB halda áfram að æsa til múgsefjunar og að næsta skref sé stríð gegn Rússlandi. Þetta er endurtekið í síbylju. En sjáið hvað er að gerast á götum borga í Evrópu, hvað er að gerast í efnahagsmálum, iðnaði, menningu og fullveldismálum, með gríðarlegum skuldum og vaxandi kreppu í velferðarkerfunum, með hömlulausum innflutningi, hinu aukna ofbeldi – einnig því pólitíska – með róttæknivæðingu öfga vinstrihópa, últrafrjálslyndra, rasískra og jaðarsetta hópa.”
