Sala bæjarstjórnar Hafnarfjarðar á HS-veitum, ein verstu viðskipti ársins 2020

Hart var tekist á um sölu Hafnarfjarðarbæjar á hlut bæjarbúa í HS-veitum á síðasta ári, farið var fram á kosningu á meðal íbúa um söluna en við því varð ekki orðið. Þá var ekkert hlustað heldur á hörð mótmæli minnihlutans í bæjarstjórn. 

Sigurður Þ. Ragnarsson bæjarfulltrúi Miðflokksins lagði fram eftirfarandi bókun á bæjarstjórnarfundi í dag vegna málsins: ,,Það vekur óneitanlega athygli að dómnefnd sérfræðinga við Fréttablaðið Markaðinn skuli velja sölu meirihluta bæjarstjórnar Hafnarfjarðar þ.e. Sjálfstæðisflokks og Framsóknarflokks, á hlut bæjarins í HS-veitum, einu verstu viðskipti ársins 2020. Tilkynnt var um þetta í blaðinu 30 desember sl.