Stjórnvöld munu ekki krefja stjórnmálaflokka um endurgreiðslu á styrkjum úr ríkissjóði þrátt fyrir að þeir hafi ekki uppfyllt skilyrði um að vera skráðir sem stjórnmálasamtök. Daði Már Kristófersson, fjármála- og efnahagsráðherra, segir að framkvæmd fjármálaráðuneytisins hafi verið með slíkum hætti að ekki séu forsendur fyrir að krefjast endurgreiðslu. Fjallað er ítarlega um málið á vef ríkisútvarpsins og þar segir jafnframt:
Flokkur fólksins hefur aldrei verið skráður sem stjórnmálaflokkur og Vinstri græn ekki fyrr en á síðasta ári. Sjálfstæðisflokkur, Sósíalistaflokkurinn og Píratar fengu einnig greidda styrki áður en þeir gengu frá skráningu sinni sem stjórnmálaflokkur á lista skattstjóra.
Daði Már sagði í viðtali eftir ríkisstjórnarfund í dag að leitað hefði verið niðurstöðu hjá utanaðkomandi sérfræðingum. Það eru þau Flóki Ásgeirsson lögmaður og Fanney Rós Þorsteinsdóttir ríkislögmaður.
Stjórnsýslufræðingur segir Flokk fólksins og VG ekki eiga aðra kosti en að endurgreiða styrki sem ríkið hefur greitt þeim. Það myndi óhjákvæmilega leiða til gjaldþrots þeirra. Þá fékk Sjálfstæðisflokkur einnig 167 milljónir ólöglega.
Sjórnsýslufræðingur segi að Flokkur fólksins eigi ekki annan kost en að endurgreiða þær 240 milljónir sem hann þáði í styrk frá hinu opinbera síðustu þrjú ár. Það myndi óhjákvæmilega leiða til gjaldþrots flokksins.
Fjársýsla ríkisins hafi sýnt af sér vanrækslu því kostnaður ríkisins vegna þessara mistaka sé á bilinu 400 til 500 milljónir króna.
Undanfarin þrjú ár hefur Flokkur fólksins fengið um 240 milljónir króna í styrki frá ríkissjóði, þótt flokkurinn hafi ekki uppfyllt skilyrði. Vinstri græn fengu 207 milljónir á sömu forsendum. Forysta flokks fólksins hefur lítið viljað svara fyrir málið að öðru leyti en að skráningu flokksins verði breytt á næsta landsfundi.
Fleiri flokkar kunna að sitja í súpunni því Vísir greindi frá því í morgun að Sjálfstæðisflokkurinn hefði ekki uppfyllt skilyrði laga til að þiggja 167 milljóna króna styrk árið 2022. Flokkurinn hefði breytt skráningu sinni í apríl það ár, en styrkurinn hefði verið greiddur út í janúar.
Haukur segir að í þessu máli hafi Fjársýslan sýnt af sér vanrækslu því kostnaður ríkisins vegna þessara mistaka sé á bilinu 400 til 500 milljónir króna. „Þá tel ég málið svo alvarlegt að það komi til greina að forstöðumaðurinn fái áminningu.“ Segir Haukur í viðtali við ríkisútvarpið.
