Hugleiðingar veðurfræðings
Lægð á Grænlandshafi beinir til okkar suðlægri átt, víða 5-13 m/s í dag og skúrir eða slydduél, en snjóél á fjallvegum. Á norðaustanverðu landinu verður þurrt og bjart framan af degi, en seinnipartinn má búast við stöku skúrum á þeim slóðum. Hiti 3 til 12 stig yfir daginn, hlýjast norðaustantil.
Í nótt og fyrramálið kemur hæð inn á Grænlandshaf og lægðin hörfar til norðausturs. Það verður því vestlæg átt á morgun, yfirleitt hægari vindur en í dag og léttir víða til, en þó eru líkur á stöku skúrum eða slydduéljum norðan- og vestantil á landinu. Hiti 3 til 11 stig að deginum, mildast á Suðausturlandi.
Spá gerð: 07.05.2024 06:29. Gildir til: 08.05.2024 00:00.
Veðurhorfur á landinu
Sunnan og suðvestan 5-13 m/s og skúrir eða slydduél. Bjart að mestu um landið norðaustanvert, en stöku skúrir þar seinnipartinn.
Heldur hægari vestlæg átt á morgun. Bjart með köflum og líkur á stöku skúrum eða slydduéljum, einkum fyrrpartinn, en léttskýjað á Suðausturlandi.
Hiti 3 til 11 stig yfir daginn.
Spá gerð: 07.05.2024 09:43. Gildir til: 09.05.2024 00:00.
Veðurhorfur á landinu næstu daga
Á fimmtudag (uppstigningardagur):
Suðlæg eða breytileg átt 3-8 m/s. Skýjað með köflum vestantil, en lengst af bjartviðri annars staðar. Hiti víða 5 til 10 stig yfr daginn. Vaxandi austanátt við suðurströndina um kvöldið.
Á föstudag:
Austan og suðaustan 5-15, hvassast við suðurströndina. Rigning eða súld með köflum, en yfirleitt þurrt á norðanverðu landinu fram á kvöld. Hiti 5 til 12 stig.
Á laugardag og sunnudag:
Suðaustlæg eða breytileg átt og væta með köflum, en lengst af úrkomulítið um landið norðaustanvert. Hlýnar heldur.
Á mánudag:
Norðlæg átt og rigning með köflum, einkum fyrir norðan. Kólnar í bili.
Spá gerð: 07.05.2024 08:38. Gildir til: 14.05.2024 12:00.
