Lögreglan á höfuðborgarsvæðinu óskar eftir vitnum að tveggja bíla árekstri sem varð á gatnamótum Kringlumýrarbrautar og Laugavegs í Reykjavík fimmtudagskvöldið 24. október, en tilkynning um áreksturinn barst kl. 19.42.
Í aðdragandanum var annarri bifreiðinni (hvítum Range Rover) ekið suður Kringlumýrarbraut, en hinni bifreiðinni (hvítum Jeep Compass) ekið norður Kringlumýrarbraut, en ökumaður hennar hugðist beygja til vinstri og aka vestur Laugaveg þegar árekstur varð með þeim.
Þau sem urðu vitni að árekstrinum eru vinsamlegast beðin um að hafa samband við lögregluna í síma 444 1000, en upplýsingum má einnig koma á framfæri í tölvupósti á netfangið gudmundur.petur@lrh.is Sérstaklega er óskað eftir vitnum að stöðu umferðarljósanna þegar áreksturinn varð.
Frá vettvangi á gatnamótum Kringlumýrarbrautar og Laugavegs.
Umræða
