Erlendum ríkisborgara var vísað frá Íslandi á föstudaginn í síðustu viku, en um er að ræða karlmann á þrítugsaldri sem var handtekinn sl. fimmtudag vegna þjófnaðar í verslun í Reykjavík, degi eftir komuna til landsins
Þýfið fannst í fórum hans, en við yfirheyrslu hjá lögreglu játaði maðurinn sök. Talið er að tilgangur ferðarinnar til Íslands hafi verið að stunda brotastarfsemi hérlendis. Ákvörðun um frávísun er skv. d.-lið 1. mgr. 94. gr. laga um útlendinga nr. 80/2016 og var maðurinn sendur úr landi um leið og hún lá fyrir.
Hér er það helsta úr dagbók lögreglu frá klukkan 17:00 til klukkan 05:00. Þegar þetta er ritað gista 5 í fangageymslu lögreglu. Alls eru 38 mál bókuð í kerfum lögreglu á tímabilinu. Listinn er ekki tæmandi.
Lögreglustöð 1 – Austurbær- Miðbær-Vesturbær-Seltjarnarnes:
- Lögregla kölluð til vegna ölvaðs manns sem er að berja hús að utan. Þá var áður búið að reyna ræða við manninn en án árangurs. Hann handtekinn og vistaður vegna ástands.
- Ökumaður handtekinn grunaður um akstur undir áhrifum áfengis. Laus eftir hefðbundið ferli.
Lögreglustöð 4 – Grafarvogur- Mosfellsbær- Árbær:
- Tveir ökumenn handteknir grunaðir um akstur undir áhrifum fíkniefna og áfengis.
Umræða
