Hér er það helsta úr dagbók lögreglu frá klukkan 17:00 til klukkan 05:00. Þegar þetta er ritað gista sex í fangageymslu lögreglu. Alls eru 83 mál bókuð í kerfum lögreglu á tímabilinu. Listinn er ekki tæmandi.
Lögreglustöð 1 – Austurbær- Miðbær-Vesturbær-Seltjarnarnes:
Aðili handtekinn fyrir líkamsárás. Sá neitaði einnig að segja til nafns og við komu á lögreglustöð réðist viðkomandi á starfsmenn lögreglu. Aðilinn vistaður vegna ástands.
Talsvert af minniháttar málum í miðbænum vegna óláta og slagsmála.
Lögreglustöð 2 – Hafnarfjörður- Garðabær- Álftanes:
Þrír ökumenn stöðvaðir í akstri grunaðir um akstur undir áhrifum vímuefna. Allir lausir eftir sýnatöku lögreglu.
Lögreglustöð 3 – Kópavogur- Breiðholt:
Lögregla kölluð til vegna manns sem var ofurölvi og var að áreita aðra við strætóskýli í hverfinu. Aðilinn handtekinn
Lögreglustöð 4 – Grafarvogur- Mosfellsbær- Árbær:
Ökumaður stöðvaður í akstri grunaður um akstur undir áhrifum áfengis. Í ljós kom að ökumaður var einnig án ökuréttinda. Laus eftir hefðbundið ferli.
Nokkrir ökumenn stöðvaðir og sektaðir fyrir of hraðan akstur.
