Hugleiðingar veðurfræðings
Suðvestan og vestan 10-18 m/s og rigning fyrri part dags, en úrkomulítið á Austurlandi. Hiti 1 til 6 stig. Það verður úrkomuminna eftir hádegi, en síðdegis og í kvöld snýst í vaxandi norðlæga átt með snjókomu eða éljum og ört kólnandi veðri. Það hvessir í nótt, og í fyrramálið er útlit fyrir norðvestan storm eða rok á austanverðu landinu, og auk þess verður hríðarveður á norðausturlandi. Í svona veðri skapast afar varasöm aktursskilyrði, og eru viðvaranir í gildi á þessum slóðum. Á vestanverðu landinu verður hins vegar talsvert hægari vindur og dálítill éljagangur. Frost 2 til 10 stig.
Eftir hádegi á morgun fer að draga úr vindinum, og það styttir upp um landið norðanvert. Annað kvöld verður víða hægviðri, en allhvöss eða hvöss norðvestanátt austast á landinu.
Veðurhorfur á landinu
Suðvestan 10-18 m/s og rigning eða slydda, en úrkomulítið A-lands. Hiti 1 til 6 stig. Dregur úr úrkomu eftir hádegi, en snýst í vaxandi norðlæga átt síðdegis og í kvöld með snjókomu eða éljum og ört kólnandi veðri.
Norðvestan 20-28 m/s í fyrramálið, en hægari vindur um landið V-vert. Snjókoma N- og A-lands, og dálítil él V-til, annars þurrt að kalla. Frost 2 til 10 stig. Dregur úr vindi eftir hádegi og styttir upp um landið N-vert. Víða hægviðri annað kvöld, en norðvestan 13-20 A-til.
Spá gerð: 08.01.2021 06:01. Gildir til: 09.01.2021 00:00.
Gul viðvörun
Veðurhorfur á landinu næstu daga
Á sunnudag:
Norðlæg átt 5-13 m/s og léttskýjað um landið sunnan- og vestanvert, en norðvestan 13-20 og dálítil él norðaustantil. Frost 4 til 12 stig.
Á mánudag:
Austlæg átt 5-10 og víða bjart veður, en norðlægari og lítilsháttar él við austurströndina. Frost 1 til 10 stig, kaldast inn til landsins.
Á þriðjudag:
Suðaustan 8-15 og skýjað en úrkomulítið um landið sunnanvert, hiti kringum frostmark. Hægari vindur og léttskýjað norðanlands og frost 2 til 8 stig á þeim slóðum.
Á miðvikudag:
Suðaustan 8-15 og rigning eða slydda með köflum sunnan- og vestanlands. Hiti 1 til 5 stig. Hægari vindur og bjartviðri á Norður- og Austurlandi með vægu frosti.
Á fimmtudag:
Suðlæg átt, skýjað með köflum og úrkomulítið. Hiti kringum frostmark.
Spá gerð: 08.01.2021 08:43. Gildir til: 15.01.2021 12:00.
