Staðsetning sprungunnar er á sömu slóðum og þegar gaus 18. desember
![](https://frettatiminn.is/wp-content/uploads/2024/02/423036307_8030047737027556_4386111746643936588_n.jpg)
Klukkan 5:30 í morgun hófst áköf smáskjálftavirkni norðaustan við Sýlingarfell. Um 30 mínútum síðar hófst eldgos á sömu slóðum. Fyrstu mínúturnar lengdist sprungan bæði til norðurs og suðurs.
Út frá fyrstu fréttum úr eftirlitsflugi Landhelgisgæslunnar er gosið á sömu slóðum og gaus 18. desember.
Sprungan er um 3 km löng, liggur frá Sundhnúk í suðri til austurenda Stóra-Skógfells. Hraun rennur mestmegnis til vesturs á þessu stigi. Hraunflæði virðist aðeins minna en í byrjun gossins 18. desember.
Gosstrókarnir ná um 50-80 m hæð og gosmökkurinn stígur upp í um 3 km hæð.
![](https://frettatiminn.is/wp-content/uploads/2024/02/423036259_1606834006519223_2937688599323852801_n.jpg)
![](https://frettatiminn.is/wp-content/uploads/2024/02/423735496_695284506153100_2216950976481853316_n.jpg)
Ljósmynd úr eftirlitsflugi Landhelgisgæslunnar. Stóra-Skógfell í forgrunni og ljósin í orkuverinu í Svartsengi hægra megin.(Ljósmynd: Björn Oddsson)