,,Var ég að misskilja eitthvað, eru ekki Vistri Grænir í ríkisstjórn? Er ekki Katrín Jakobsdóttir forsætisráðherra?“
Þjóðin virðist skiptast í tvær fylkingar, með eða á móti Orkupakka 3. Einn af þeim fjölmörgu sem að lætur sig málið varða er Sigmar Vilhjálmsson sem er betur þektur sem Simmi Vill en hann vekur athygli á málinu á facebooksíðu sinni áðan:
,,Orkupakki 3. – er ekki allt i lagi? ÞETTA ER STÓRMÁL. Umræðan snýst um sæstreng eða ekki sæstreng
Hvað með þá staðreynd að við erum að markaðsvæða einu helstu auðlind þjóðarinnar, græn orka?! Fylgir þessum pakka löggjöf um að erlendir aðilar fá ekki að eiga félög sem reka og eiga virkjanir?
Mér er fyrirmunað að skilja hversu auðvelt það er að afvegaleiða fjölmiðla frá aðalatriðinu.
Orkupakki 3 mun tryggja að þeir einkaaðilar, sem eru núna að kaupa upp virkjanakosti án umhverfismats (eru undir 10 mw) og fá útdeilt leyfi frá Orkustofnun eins og appótekaralakkrís, geti selt sín réttindi og fyrirtæki til erlendra aðila. Ég get ekki séð betur.
Hvar er umræðan um eignarhald á þessum auðlindum okkar? Hvernig getum við setið hjá og leyft þessu að gerast? Við bönnum erlendum aðilum að kaupa jarðir og laxveiðiár, en erum að markaðsvæða virkjanakosti þjóðarinnar með tilheyrandi raski á náttúrunni. Orkupakki 3 er síðan rúsínan í pylsuendanum til að tryggja að erlendir fjárfestar geti eignast þau fyrirtæki sem eiga þessar auðlindir. HS Orka er nýjasta dæmið um þetta.
Hvar er framtíðarsýn okkar sem þjóðar? Raforka er framtíðin, græn raforka verður þar verðmætust. Ætlum við í alvöru að fara þessa vegferð að rökræða Sæstreng eða ekki sæstreng?
Var ég að misskilja eitthvað, eru ekki Vistri Grænir í ríkisstjórn? Er ekki Katrín Jakobsdóttir forsætisráðherra?
Þessi EES orkupakki er skiljanlegur fyrir lönd sem hafa ekki þær auðlindir sem við búum að. Virkjanakostir eru líklega mestu verðmæti sem við eigum sem þjóð. Því er ekki verið að ræða það?
Guðlaugur Þór Þórðarson þetta er ekki í lagi!“
