Hugleiðingar veðurfræðings
Í dag verður víða fínasta veður, á meðan spá morgundagsins er á heldur meira flökti. Þá gera sumar spár ráð fyrir að úrkomubakki sem verður skammt vestur af landinu, nái inná land og gæti því snjóað staðbundið á Faxaflóasvæðinu sem og á Breiðafirði. Aðrar spár gera hins vegar ráð fyrir að bakkinn nái nánast ekkert inná land. Ágætt er að hafa í huga að þótt þetta misræmi sé í spánum þá skeikar þetta mjög litlu þegar haft er í huga að veðurlíkönin sem notuð eru við útreikninga spáa eru býsna gróf og háupplausnarlíkönin nota niðurstöður þeirra við sína útreikninga, svo að 20-30 km færsla á úrkomubökkum er í raun alger minniháttar tilfærsla, en þegar úrkomubakkarnir eru eins nálægt landi og raun ber, þá getur það haft mikil staðbundin áhrif hjá okkur.
Veðuryfirlit
Yfir N-Grænlandi er 1027 mb hæð en skammt NA af Hvarfi er 1005 mb lægð. Um 1100 km A af Nýfundnalandi er 995 mb lægð sem fer ANA og yfir S-Svíþjóð er 965 mb lægð sem þokast A.
Veðurhorfur á landinu
Norðlæg eða breytileg átt 3-8 en austlægari í dag. Skýjað með köflum en stöku él norðan- og austanlands. Frost 0 til 7 stig, en sums staðar frostlaust SV-til yfir daginn. Suðaustan 5-13 um landið V-vert á morgun, en annars hægari. Snjókoma eða él vestast og stöku él austantil, en annars þurrt. Hiti breytist lítið.
Veðurhorfur á höfuðborgarsvæðinu
Austlæg eða breytileg átt 3-5 m/s. Skýjað með köflum en þurrt og hiti kringum frostmark. Suðaudstan 5-10 og dálítil snjókoma á morgun, einkum síðdegis. Svipaður hiti.
Veðurhorfur á landinu næstu daga
Á laugardag:
Austlæg átt, 3-8 m/s, en suðaustan 8-13 suðvestan og vestanlands. Skýjað með köflum en líkur á dálítilli úrkomu um landið suðvestanvert. Frost 0 til 7 stig en frostlaust við suðvesturströndina.
Á sunnudag:
Austlæg átt, 5-13 m/s. Skýjað með köflum eða bjartviðri en þykknar upp við suðurströndina um kvöldið. Frost yfirleitt 0 til 8 stig.
Á mánudag og þriðjudag:
Austan og norðaustan 5-10, en 10-15 m/s syðst. Bjartviðri um landið vestanvert annars skýjað og dálítil úrkoma við suður- og suðausturströndina. Allvíða frostlaust syðst, annars 0 til 7 stiga frost.
Á miðvikudag og fimmtudag:
Útlit fyrir áframhaldandi austlæga átt, allhvöss syðst, en annars mun hægari. Dálítil él syðst, annars yfirleitt þurrt og bjart. Hiti breytist lítið.
