Formaður VR lætur Þórð Sverrisson stjórnarformann Hörpu, hafa það óþvegið

,, Ef ég á að ráðleggja þér heilt Þórður Sverrisson þá skaltu koma fram við alla starfsmenn af sömu virðingu og auðmýkt, því þegar öllu er á botninn hvolft ertu ekkert án fólksins sem vinnur störfin.
Ég er ekki viss um að þú kunnir að kveikja ljósin í Eldborgarsal Hörpu en ég veit að þú getur farið að ráðum mínum og sýnt starfsmönnum þínum vott af virðingu.“ Segir Ragnar Þór Ingólfsson í pistli sem að hann les yfir stjórnarformanni Hörpu.
Þórður Sverrisson stjórnarformaður Hörpu stígur fram og réttlætir ömurlega framkomu stjórnenda í garð starfsmanna með því að ráðast á starfsfólk VR.
Við Þórð vil ég segja að framkoma stjórnar VR og stjórnenda VR í garð starfsfólks VR er með mjög ólíkum hætti og dæmi hafa sýnt um framkomu stjórnar Hörpu og stjórnenda Hörpu við starfsmenn Hörpu.

VR býr yfir gríðarlegum mannauð sem við berum óendanlega virðingu og þakklæti fyrir að hafa. Við erum í raun ekkert án starfsfólksins, við erum lið, við erum ein heild og okkur líður vel á vinnustaðnum, við tölum saman og leysum málin og hjá okkur eru allir jafnir.
Formenn og stjórnir koma og fara en starfsfólkið heldur skútunni á floti hvað sem tautar og raular.
Að stilla þessu svona upp með því að ráðast á framkvæmdastjóra VR og verja þannig siðleysi eigin gjörða eru á margan hátt ný viðmið í lágkúru, hroka og yfirlæti og svo sannarlega ekki til þess fallið að auka tiltrú okkar á að stjórn Hörpu sjái að sér og leiðrétti kjör starfsfólks og við í leiðinni endurskoðum ákvörðun okkar.
Ég hef oft komið í Hörpu og þekki margt af því frábæra starfsfólki sem þar starfar og þekki af engu nema mikilli fagmennsku og metnaði.
Ef ég á að ráðleggja þér heilt Þórður Sverrisson þá skaltu koma fram við alla starfsmenn af sömu virðingu og auðmýkt, því þegar öllu er á botninn hvolft ertu ekkert án fólksins sem vinnur störfin.
Ég er ekki viss um að þú kunnir að kveikja ljósin í Eldborgarsal Hörpu en ég veit að þú getur farið að ráðum mínum og sýnt starfsmönnum þínum vott af virðingu.“
https://gamli.frettatiminn.is/2018/08/05/vr-haettir-vidskiptum-vid-horpu/
www.gamli.frettatiminn.is/2018/08/05/framkvaemdastjorn-horpu-virdir-akvordun-theirra-sem-sagt-hafa-upp-storfum-og-oskar-theim-velfarnadar/
https://gamli.frettatiminn.is/2018/08/05/thjodinni-lidur-eins-og-thjonustufulltruum-horpu-sem-sogdu-upp/