Miðstjórn Alþýðusambands Íslands (ASÍ) segir óskiljanlega þá ákvörðun peningastefnunefndar Seðlabanka Íslands frá því fyrr í dag að halda stýrivöxtum óbreyttum í 9,25%. Ákvörðunin sé fallin til að þjóna hagsmunum fjármagnsafla og auka ójöfnuð í landinu.
Þetta er á meðal þess sem fram kemur í ályktun sem miðstjórn ASÍ samþykkti á fundi sínum í dag, miðvikudaginn 8 maí. Staðhæft er að forsendur séu fyrir hendi til að lækka vexti í landinu og minnt er á að verkalýðshreyfingin hafi fallist á hófsamar launahækkanir í nýgerðum kjarasamningum til að stuðla að hjöðnun verðbólgu og þar með lækkun vaxta.
Launafólk í landinu krefjist þess að ríki og sveitarfélög standi við skuldbindingar sínar til að það markmið geti orðið að veruleika.
Miðstjórn segir neyðarástand ríkja á húsnæðismarkaði og gagnrýnir harðlega ríki og sveitarfélög fyrir getu- og úrræðaleysi á þeim vettvangi.
Nálgast má ályktun miðstjórnar hér.
Umræða
