Hugleiðingar veðurfræðings
Háþrýstisvæði á Grænlandshafi og lægð fyrir norðan land beina til okkar vestlægri átt, víða gola eða kaldi í dag og léttskýjað á Suðausturlandi, en bjart með köflum annars staðar og líkur á stöku skúrum eða slydduéljum fram eftir degi. Hiti 4 til 10 stig yfir daginn.
Fremur hæg suðlæg eða breytileg átt á morgun og áfram bjart með köflum. Hlýnar lítillega. Annað kvöld snýst í hægt vaxandi suðaustanátt og það þykknar upp með dálítilli rigningu sunnan- og vestanlands.
Suðaustan 5-13 m/s á föstudag og rigning með köflum í flestum landshlutum, þó síst um landið norðaustanvert. Milt í veðri. Spá gerð: 08.05.2024 06:14. Gildir til: 09.05.2024 00:00.
Veðurhorfur á landinu
Vestlæg átt, víða 5-10 m/s. Bjart með köflum og líkur á stöku skúrum eða slydduéljum fram eftir degi, en léttskýjað suðaustantil. Hiti 4 til 10 stig yfir daginn.
Suðlægari á morgun og hlýnar lítillega. Hægt vaxandi suðaustanátt annað kvöld og þykknar upp sunnan- og vestanlands með dálítilli rigningu.
Spá gerð: 08.05.2024 04:16. Gildir til: 09.05.2024 00:00.
Veðurhorfur á landinu næstu daga
Á föstudag:
Suðaustan og austan 5-13 m/s og rigning eða súld með köflum, en lengst af þurrt á Norðurlandi. Hiti 5 til 13 stig.
Á laugardag:
Suðlæg eða breytileg átt 3-10 og dálítil rigning á víð og dreif en þurrt að kalla norðaustantil. Bætir í úrkomu sunnan- og vestanlands um kvöldið. Hiti breytist lítið.
Á sunnudag:
Breytileg átt 5-10 og lítilsháttar rigning eða súld en yfirleitt bjart norðaustantil. Dregur úr úrkomu seinnipartinn. Hiti 4 til 11 stig yfir daginn.
Á mánudag:
Norðlæg átt og skýjað en lengst af þurrt. Hvessir aðeins um kvöldið. Hiti breytist lítið.
Á þriðjudag:
Austan- og norðaustanátt og skýjað. Rigning eða slydda sunnan- og austanlands en þurrt að kalla á norðan- og vestanverðu landinu. Hiti 3 til 14 stig, hlýjast suðvestantil.
Spá gerð: 08.05.2024 08:24. Gildir til: 15.05.2024 12:00.
