Hvað með að gera leigjendum mögulegt að komast í séreign í staðinn fyrir að skattleggja þá sérstaklega umfram aðra þjóðfélagshópa og henda þeim fyrir brasakarana í leiðinni?
Meðal húsaleiga á 80-90 fm íbúðum á höfuðborgarsvæðinu er 350.000 kr/mán. Það gerir 215% hækkun eða rúmlega þreföldun á húsaleigu á síðustu 14 árum. Ef húsaleiga hefði fylgt verðlagi frá 2011 þá væru samskonar íbúðir leigðar á 202.000 kr/mán.
Staðan er því þannig að verðbólga hjá leigjendum hefur verið (og er enn) rúmlega tvöfalt meiri en hjá öðrum þjóðfélagshópum.
Sú fjölskylda sem hefur leigt 80-90 fermetra íbúð á höfuðborgarsvæðinu frá árinu 2011 hefur því greitt samtals 25 milljónir í „ofrukkaða“ húsaleigu sem er tvöföld sú upphæð sem fjölskyldan þarf fyrir útborgun á eigin íbúð. Að auki hefur þessi fjölskylda þurft að flytja og finna sér nýtt heimili alls sex sinnum á tímabilinu.
Stóra vandamálið á húsnæðismarkaði er skipulagt ofbeldi og einangrun á leigjendum, stundað af bröskurum og varið af stjórnvöldum.
Bankaþrælar á Íslandi: Okurvextir, fjárhagslegt ofbeldi og áhrif þeirra á fjölskyldur
