ÍSLENSKA KOKKALANDSLIÐIÐ Á LEIÐINNI Á ÓLYMPÍULEIKANA Í FEBRÚAR
BÝÐUR FÉLÖGUM LANDSBJARGAR TIL VEISLU Á MORGUN
LIÐUR Í ÆFINGU LIÐSINS FYRIR ÓLYMPÍULEIKANA
Ólympíuleikarnir í matreiðslu fer fara fram í Stuttgart í Þýskalandi sem haldnir verða 14. til 19. febrúar næst komandi. Þar mætast færustu kokkar heimsins Í 32 landsliðum allstaðar af úr heiminum og þannig ljóst að það er ekki sjálfgefið að eiga lið í keppninni. Íslenska kokkalandsliðið fylgir eftir framúrskarandi árangri liðsins frá síðastu misseri en á tveimur síðustu heimsmeistaramótum hefur liðið náð gull frammistöðu.
Kokkalandsliðið hefur verið að leggja lokahönd á matseðla og ferla fyrir keppnina og æfir nú vikulega undir keppnina. Um helgina er staddur hér á landi einn eftirsóttasti dómari heims Gert Klotzke sem hefur áratuga reynslu af dómgæslu og þjálfum fyrir stórmót. Landsliðið æfir undir hans handleiðslu og liður í því á morgun er að afgreiða hátt í 110 veisludiska með þriggja rétta máltíð.
LANDSBJÖRG KÖLLUÐ ÚT Í SMAKK
Íslenska kokka landsliðið ákvað að slá tvær flugur í einu höggu og bjóða félögum í Björgunarsveitum Landsbjargar að vera gestir á æfingunni á morgun. Þannig æfir landsliðið sig fyrir Ólympíuleikanna og þakkar félögum í Landsbjörg fyrir hönd þjóðarinnar fyrir óeigingjarnt starf en sérstaklega hefur mætt á sveitum Landsbjargar síðustu vikur og misseri og líklega eru einhverjir meðlimir í útkalli núna þegar þetta er skrifað. Á æfinguna koma því 70 gestir frá Landsbjörgu og aðrir gestir eru meðlimir í klúbbi matreiðslumeistara sem starfað hafa dómarar eða tekið þátt í landsliðsverkefnum.
LANDSLIÐIÐ ER LEIÐANDI Í ÞRÓUN ÍSLENSKS ELDHÚSS OG MATARHEFÐAR
Forseti Klúbbs matreiðslumanna er Björn Bragi Bragason en klúbburinn á og rekur Kokkalandsliðið; ,,Liðið keppir stolt fyrir hönd íslensku þjóðarinnar í alþjóðlegum stórkeppnum og þróar um leið íslenskt eldhús og matarhefðina. Við byggjum á gömlum merg hvað varðar hráefnin okkar en um leið fögnum við og tileinkum við okkur þær aðferðir, stefnur og strauma sem berast utan úr heimi. Kokkalandsliðið er samsett af hópi kvenna og karla, nútíma Íslendingum sem eiga uppruna sinn víða í veröldinni.“
ÍSLENSKT HRÁEFNI Í HÁVEGUM HAFT
Kokkalandsliðið vinnur með alíslenskar áherslur í gegnum keppnina og lögð er mikil áhersla á sérvalið sígilt íslenskt hráefni þar sem íslenskur þorskur, íslenskt lamb og Ísey skyr verða í aðalhlutverkum.
Meðfylgjandi mynd er af Kokkalandsliðinu eins og það lýtur út í dag og það lið sem keppir á Ólympíuleikunum í febrúar
Frá vinstri
Snorri Victor Gylfason
Sigurjón Bragi Geirsson, þjálfari
Kristinn Gísli Jónsson (efstur á myndinni)
Snædís Xyza Jónsdóttir Ocampo
Ísak Aron Jóhannsson (næst eftstur)
Jakob Zarioh Baldvinsson
Sindri Guðbrandur Sigurðsson (neðst til vinstri)
