40 jarðýtur næstu 40 ár í Esjunni, Snæfellsjökli, Ásbyrgi og í fyrirhuguðum þjóðgörðum um allt land
Það verður enginn humar í sumar, jafnvel ekki næstu áratugi vegna útrýmingar á stofninum. Kvótakerfið alræmda sem fjórflokkurinn á Alþingi hefur sagt í 40 ár að sé besta kerfi í heimi er í raun versta kerfi í heimi. Því miður hefur heilaþvottastöð fjórflokksins verið svo öflug að það er eins og að guðlast að benda á hið augljósa. Þ.e. að kvótakerfið er ónýtt.
Hér að neðan er mynd sem sýnir þróunina á humri sem búið er að útrýma í núverandi kvótakerfi. Nú stendur til að loka alveg á humarveiðar. ,,Könnunarveiðar upp á 143 tonn er það sem blasir við útgerðum humarbáta á þessu ári, sem er aðeins 6-7% af því sem veitt var fyrir áratug. Nýliðun hefur verið léleg í meira en áratug og er í sögulegu lágmarki. Batamerki eru ekki sjáanleg.” Segir fiskifræðingur sem er í viðtali við Moggann um ástand humarstofnsins.
Hefur einhver heyrt einhvern alþingismann tala um kvótakerfið nýlega og hvernig það hefur brugðist öllum vonum og væntingum? Hver stýrir í raun og veru sjávarútvegsmálum á Íslandi og heimilar gjöreyðingarflotann sem útgerðin hefur orðið að eyða ofurgróða í að kaupa (ekki eru veiðigjöldin að sliga kvótahafana).
Skip sem engin takmörk eru á hversu stór þau mega vera, með troll aftan í sér sem er á stærð við marga fótboltavelli með tilheyrandi gjöreyðingarmætti á sjávarbotninum og öllu lífriki hafsins. Hvar eru allir umhverfisverndarsinnarnir? Þessi gjöreyðingarfloti er með toghlera sem er eru á stærð við stærstu jarðýtur sem skrapa sjávarbotninn í kringum allt Ísland 365 daga ársins alla 24 tíma sólarhringsins. Svo er fólk hissa á að búið er að útrýma fiskistofnum við landið. Hvaða öfl sjá til þess að þessi glæpastarfsemi fái að þrífast hér svo áratugum skiptir?
Umhverfisverndarsinnar gera ekkert en ég held að það mundi heyrast eitthvað ef 40 jarðýtur keyrðu næstu 40 ár með skófluna niðri um Esjuna, Snæfellsjökul, Ásbyrgi og um þessa fyrirhuguðu þjóðgarða um allt land.
Hvernig lýst umhverfisverndarsinnum á það, að það verði enginn humar með hvítvíninu í sumar og ef jarðýtur verða settar í alla þessa fínu þjóðgarða og um allt hálendið? Er ekki kominn tími á að líta aðeins upp úr glasinu og jarðtengja sig með jafnvel smá dassi af veruleikaskini?
Jón Kristjánsson, fiskifræðingur hefur varað við kvótakerfinu frá árinu 1984 og reyndir skipstjórar og sjómenn einnig og þeir sem að hafa mest vit á fiskveiðum og fiskveiðikerfinu hafa tekið undir að mikil vá hefur verið fylgifiskur kvótakerfisins eins og það er og hefur verið frá upphafi. Og hafa þessir aðilar bæði bent Hafrannsóknarstofnun og ráðamönnum þjóðarinnar á galla kerfisins í tæp 40 ár og bent m.a. á, máli sínu til stuðnings, að nú er verið að veiða minna af þorski en áður en kvótakerfið var sett á og benda á að ástæða þess að ekki finnist loðna nú, sé kvótakerfinu að kenna.
Ekkert tillit hefur verið tekið til fræðimannsins eða skoðanabræðra hans sem eru sérfræðingar á sviði fiskveiða s.l. 40 ár og nú er spurningin hvort að það hefði ekki verið skynsamlegra? þar sem að það blasir við að loðna finnst ekki við Ísland, þorskurinn sé búinn með rækjuna, humarinn, lúðuna og flatfiska á grunnsævi að sögn Jóns Kristjánssonar, fiskifræðings og reynslumikilla félaga hans sem að hafa fylgst með lífríkinu í hálfa öld og sumir lengur.
,,Með tilkomu kvótakerfis og mikils niðurskurðar þorskafla til þess að reyna að “byggja upp” stofninn, hefur stórlega dregið úr sókn í innfjarðaþorsk með þeim afleiðingum að rækjan er upp étin og reyndar humarinn fyrir Suðurlandinu einnig.
Þá er hann líka búinn að grisja vel seiði flatfiska og fleiri tegunda. Rækjudeildin er búin að benda á þetta í áratugi en má sín lítils gegn þorskagenginu. Með réttu ætti að gefa fiskveiðar innfjarða frjálsar, það myndi gefa meiri fisk og meiri rækju.
,,Bara að benda á að verndun þorsks, eins og indversku kúnna, kemur niður á þeim sem hann étur: Langt kominn með loðnuna, búinn með rækjuna, humarinn, lúðuna og flatfiska á grunnsævi , ungviði sjálfs síns, nefndu það. Svo tala menn um að það þurfi að veiða hvali vegna þess að þeir éti svo mikið af fiski – gleyma þorskinum, dýrlingi Hafró.” Segir Jón Kristjánsson sem gefið hefur fiskveiðikerfinu falleinkunn.”
Innihaldslausar fullyrðingar og ósannindi um kvótakerfið og árangur fiskveiðistjórnunar:
Bakgrunnur kerfisins er að Hafrannsókna stofnun hafði lofað í mörg ár að með vísindalegri stjórn veiðanna væri unnt að hámarka afrakstur fiskimiðanna, afli yrði hámark þess sem miðin gæfu af sér og yrði jafn og stöðugur. Í upphafi, þegar talað var fyrir vísindalegri stjórn veiða, var því lofað að jafnstöðuafli þorsks yrði 500 þús tonn á ári það hefur heldur betur klúðrast eins og sést hér svart á hvítu:
https://gamli.frettatiminn.is/26/02/2019/med-rettu-aetti-ad-gefa-fiskveidar-innfjarda-frjalsar-segir-fiskifraedingur/
