Skattgreiðendur greiða með fiskveiðum – Kvótaþegar standa ekki undir lágmarks kostnaði – Hlegið að íslendingum um allan heim
Áslaug Arna Sigurbjörnsdóttir, dómsmálaráðherra, tilkynnti á blaðamannafundi um borð í varðskipinu Þór í vikunni að ríkisstjórnin hafi fallist á tillögu hennar að þegar verði hafist handa við kaup á nýlegu skipi í stað varðskipsins Týs. Georg Lárusson, forstjóri Landhelgisgæslunnar, sagði við sama tilefni að um mikið framfaraskref væri að ræða fyrir m.a. sjófarendur.
Árið 2011 kom síðast nýtt varðskip til Íslands eða fyrir tíu árum, ofangreindur Þór, árið 2011 kostaði skipið 4,5 milljarða króna, sem er sennilega á verðlaginu í dag 6,5 milljarðar sem nýtt skip kostar skattgreiðendur.
Atvinnugrein eða atvinnubótastarfsemi?
Rekstrarkostnaður landhelgisgæslunnar er um 1,6 milljarður á ári. Meðalkostnaður Hafró, Matís, Fiskistofu, verðlagsstofu skiptaverðs, alþjóðasamvinnu, skrifstofu fiskveiðistjórnunar og MAST er um 5,5 milljarðar á ári. Samtals er þetta fyrirsjánlegur kostnaður upp á 13,6 milljarða króna.
Veiðigjöldin í fyrra voru aðeins 4,8 milljarðar og miðað við þennan kostnað sem blasir við upp á 13,6 milljarða, þá er tapið vegna þjónustu þjóðarinnar við stórútgerðina samtals 8,8 milljarðar sem er reikningur sem sendur verður til skattgreiðenda á Íslandi.
Hlegið að íslendingum og kvótakerfinu um allan heim
Auðvitað gerist svona lagað bara á Íslandi þar sem spillingin fær að þrífast í skjóli pólitíkusa til áratuga. Þjóðin fær engan arð af auðlindum sínum á Íslandi og borgar með fiskveiðum með hærri sköttum og skertri eða engri almanna þjónustu. Ef almenningur í Noregi væri látinn borga með sölu á olíunni sem norski olíusjóðurinn sér um, þá yrði hlegið að þeim um allan heim. Olían í Noregi er sameiginleg auðlind allrar norsku þjóðarinnar og hún nýtur öll góðs af henni. Ekki bara fáir sem hirða allan arðinn, eins og hér.
Það er búið að heilaþvo íslendinga undanfarna áratugi með því að kvótakerfið sé það besta í heimi, íslendingar eru jú alltaf bestir í heimi í öllu 😀 það er m.a.s. svo gott þetta versta kerfi í heimi að þjóðin þarf að borga með atvinnubótastarfseminni, það er hlegið að íslendingum um allan heim.
https://gamli.frettatiminn.is/08/03/2021/utgerdin-faer-200-milljarda-en-thjodin-faer-tvo-samfelagid-faer-1-ard-af-audlindinni/
Discussion about this post