Klukkan hálf þrjú í nótt var tilkynnt um mann með stóran eldhúshníf í miðborginni. Maðurinn var sagður fara inn í matvöruverslun. Lögregla var að nálgast vettvang þegar tilkynnt var um rán í versluninni.
Maðurinn sem var í mjög annarlegu ástandi var handtekinn skömmu síðar og vistaður fyrir rannsókn máls í fangageymslu lögreglu. Maðurinn mun hafa ógnað starfsmanni verslunarinnar og krafið hann um sígarettupakka sem hann mun hafa fengið.
Þá var tilkynnt um innbrot / þjófnað, í hársnyrtistofu í Múlahverfi. Búið var að spenna upp hurð fara inn og róta. Ekki vitað hverju var stolið.
Umræða
