Hugleiðingar veðurfræðings á Veðurstofu
Í dag verða norðaustan 8-13 m/s víðast hvar, en 13-18 m/s um tíma norðvestantil. Rigning um landið norðan- og austanvert en annars bjart með köflum. Kalt loft fylgir norðaustan áttinni og mun grána í hæstu fjöll norðaustanlands síðdegis. Norðaust- eða austlægar áttir verða ríkjandi á landinu framyfir helgi með kólnandi veðri og rigningu á láglendi en snjókomu til fjalla á austurhluta landsins, en annars bjartviðri.
Veðurhorfur á landinu
Norðaustan 8-13 m/s, en 13-18 um tíma norðvestantil fyrir hádegi. Rigning norðan- og austantil, og fer að grána í fjöll um landið norðaustanvert síðdegis. Annars bjart með köflum. Norðaustan 13-18 m/s um landið norðan- og vestanvert á morgun en annars 8-13. Víða rigning og snjókoma til fjalla, jafnvel talsverð á norðaustur- og austurlandi. Bjartviðri um landið suðvestanvert. Hiti 2 til 10 stig, hlýjast syðst.
Veðurhorfur á landinu næstu daga
Á fimmtudag:
Norðaustan 8-13 m/s, en 13-18 norðaustantil á landinu. Víða rigning, jafnvel talsverð rigning norðaustur- og austurlandi og slydda eða snjókoma til fjalla, en bjart með köflum sunnan- og vestanlands. Hiti 3 til 10 stig, hlýjast syðst.
Á föstudag:
Norðaustan 5-10 m/s og stöku skúrir, en dálítil rigning eða slydda á láglendi norðaustantil og snjókoma til fjalla. Lengst af þurrt á Vesturlandi. Hiti 1 til 7 stig.
Á laugardag:
Austlæg eða breytileg átt og skýjað með köflum og dálítil væta í flestum landshlutum. Hiti 1 til 6 stig að deginum.
Á sunnudag:
Austlæg átt, bjartviðri, en stöku skúrir vestantil. Víða frost norðan- og austanlands en hiti allt að 6 stigum á Suður- og Suðvesturlandi.
Á mánudag:
Austlæg átt og lítilsháttar rigning sunnan- og austantil, jafnvel slydda austast, en bjart með köflum um landið vestanvert. Hiti breytist lítið.
Á þriðjudag:
Austlæg átt og lítilsháttar væta með norðaustur- og austurströndinni, en annars léttskýjað. Áfram kalt í veðri.
Spá gerð: 08.10.2019 21:11. Gildir til: 15.10.2019 12:00.
